Diretór Risku Jeolójiku IPG, Eugênio Soares. Imajen Tatoli/Egas Cristovão

DILI, 13 outubru 2020 (TATOLI)–Diretór Risku Jeolójiku, Institutu Petróleu no Jeolojia (IPG, sigla inglés), Eugênio Soares, informa  parte institutu monta ona instrumentu ne’ebé maka bele deteta rai nakdoko iha munisípiu tolu. 

“Ami halo monitorizasaun no ami iha ekipamentu instalasaun sismómetru iha munisípiu Lautém, Manatuto no Ainaro,” dehan Diretór ne’e ba Agência Tatoli, iha Sala Leitura Xanana, Lecidere, tersa ne’e.

Nia esplika, instrumentu ne’e rasik atu deteta rai-nakdoko no identifika koordinadu, lokál rai-nakdoko ninia forsa no magnitude inklui bele deteta potensialidade tsunami.

“Informasaun hirak ne’e tuir padraun prosedimentu operasionál ne’ebé maka ami iha sei delibera ba fali iha Diresaun Nasionál Meteroljia no Jeofízika hafoin diresaun ne’e informa fali ba protesaun sivíl ne’ebé maka akontese ona, sira iha responsablidade atu atua iha terrenu,” nia akresenta.

Hosi parte IPG identifika ona área ne’ebé konsidera hanesan risku ba dezastre naturál iha Timor-Leste ein termu tektonikamente no jeolojikamente.

“Ita-nia esperiénsia hatudu katak Dili iha tempu udan la ses hosi inundasaun no tempu bai-loron ita la ses hosi bee-maran no la ses hosi maluk sira ne’ebé gosta sunu rai,” nia dehan.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here