Aviaun ZEESM. Imajen/twinotterarchive

DILI, 13 outubru 2020 (TATOLI)—Ministru Transporte no Komunikasaun, José Agostinho da Silva, konsidera tempu ona Timor-Leste iha transporte aérea nasionál, tanba ne’e parte Ministériu Transporte no Komunikasaun liuhosi Autoridade Aviasaun Sivíl Timor-Leste (AACTL, sigla portugés) prepara hela kondisaun.

“Ita planeia tranforma aviaun Zona Ekonomia Espesiál Sosiál Merkadu (ZEESM) sai hanesan aviaun dahuluk Timor-Leste, liga ba kestaun ne’e parte tékniku aviasaun sivíl halo koordenasaun ho autoridade Rejiaun Administrativa Espesiál Oé-cusse Ambeno (RAEOA) hodi bele konkretiza no aselera prosesu,” tenik Ministru José Agostinho, hafoin hasoru malu ho Primeiru-Ministru, Taur Matan Ruak, iha Palásiu Governu, tersa ne’e.

Parte AACTL sei haree rekezitu iha parte tékniku no rekursu umanu hafoin halo transformasaun.

“Ita labele hein buat hotu feitu maka ita halo, kondisaun ne’ebé maka iha ita la’o de’it, importante ita iha vontande,” nia akresenta.

Tuir Ministru, aviaun ZEESM atu tranforma ba voo doméstika de’it ka voo komersiál, depende ba parte AACTL no Autotridade RAEOA maka sei haree.

“Agora ba oin atu dezenvolve modelu hosi aviaun ne’e rasik, maizumenus ita presiza haree prosesu ne’e,” nia fó hanoin.

Daudaun aviaun ne’e halo operasaun doméstika hosi Dili-Oé-cusse no Dili bá Suai.

Jornalista : Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here