Diretór Ceftec, Luis Evaristo dos Santos Soares. Imajen Egas Cristovão

DILI, 13 outubru 2020 (TATOLI)-Sentru Formasaun Téknika Komunikasaun (CEFTEC-sigla portugés), tersa ne’e, fó ona formasaun jornalizmu ba asesória imprensa (media officer), no estudante komunikasaun sosiál husi universidade sira hamutuk ema na’in 40 iha área rua maka jornalista lian tetum no jornalista ba programa rádiu ne’ebé sei hala’o durante fulan ida.

Sekretáriu Estadu Komunikasaun Sosiál, Merício Juvinal dos Reis “Akara” maka ofisialmente ohin halo abertura ba formasaun ne’e iha Salaun Institutu Nasionál Administrasaun Públika (INAP) Comoro Dili.

Notísia Relevante :CEFTEC Kapasita Hakerek Imprensa-Relasaun Públika Ba Timoroan Sira

Diretór Nasionál CEFTEC, Luis Evaristo dos Santos, hateten formasaun lian tetum ba asesória imprensa (media officer) sira importante nune’e bele tulun sira atu hakerek komunikadu imprensa tuir  padraun Institutu Nasionál Linguístika (INL).

“Iha área rua  hanesan unidade lian tetun ba jornalizmu no mós unidade formasaun ba rádiu atu nune’e bele hakerek tetun ida ne’ebé loos tuir padraun lian Tetun nian,” dehan nia ba Tatoli, iha salaun INAP Comoro, tersa ne’e.

Enkauntu, formasaun ba rádiu nian maka kona-ba maneira halo operasaun rádiu no  téknika komunikasaun sira liliu ba rádiu dijitál.

“Durante fulan ida nia laran ne’e formandór  bele hanorin sira  oinsá atu bele komprende no halo produsaun ba programa ida iha rádiu,” nia dehan.

Tanba ne’e, nia husu ba formandu sira atu hatudu disiplina no aprovaita didi’ak matéria sira durante formasaun ne’e la’o ho responsabilidade.

“Ba futuru hanesan Sentru Formsasaun ida iha aréa Komunikasaun Sosiál hakarak haree ba preparasaun Governu nian ba estabelesimentu institutu formasaun jornalista sira hotu,” katak nia.

Entretantu, partisipantes kursu hamutuk ema na’in 40 fahe ba kategoria rua, dahuluk maka unidade lian tetum ba ema na’in 20, mane 12 no feto ualu (8), unidade formasaun ba rádiu ema na’in 20, mane 12 no feto ualu (8).

Notísia Relevante :Sekretáriu Estadu Akara Motiva Formandu CEFTEC Aproveita Tempu Formasaun

Jornalista :Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here