kanu resin ne'ebé Polísia sei halo destruisaun. Imajen Tatoli/Eugénio Pereira

DILI, 12 outubru 2020 (TATOLI)- Komandu Polísia Munisípiu Dili, Seksaun Unidade Tránzitu, aprezenta ona lista ba Ministériu Públiku atu halo destruisaun ba kenalpot kanu resin (motór nian) besik 2.000 ne’ebé PNTL halo apreensaun durante tinan 2007 to’o agora.

Motór nia kanu resin ho modelu oin-oin ne’e, PNTL halo apreensaun ba motorista hirak ne’ebé lori motór uza kanu resin hodi gás motór halo barullu iha kapitál Dili.

Segundu Komandante PNTL Munisípiu Dili, Superintendente Euclides Belo dehan, Governu Timor-Leste hasai karta ba Komandu PNTL atu kontrola motór hotu ne’ebé sosiedade sira utiliza halo movimentu ba mai iha kapitál Dili labele uza kanu resin hodi evita barullu iha sidade laran.

“Motór uza kanu resin ne’e ita halo apreensaun barak loos kuaze 2.000 ne’ebé PNTL aprezenta ona lista ba Ministériu Públiku hodi komunika ho PNTL iha tempu besik sei halo destruisaun, tanba lei bandu atu labele uza kanu resin ba motór sira ne’ebé halo movimentu ba mai,” dehan Komandante Euclides Belo ba jornalista iha Komandu PNTL, Caicoli, Dili.

Nia dehan, bainhira PNTL halo operasaun maka identifika motór balun uza beibeik kanu resin, PNTL sei halo apreensaun no husu ba motór nain atu troka kanu ne’ebé la perturba barullu.

Tuir observasaun Agência Tatoli, nota motór nia kanu resin agora rai butuk iha arredores  Edifísiu Eskuadra Polísia Tránzitu nian kotuk.

Jornalista   : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here