Ministru Asuntu Parlamentár no Komunikasaun Sosiál, Francisco Jerónimo. Imajen Tatoli/Egas Cristovão

DILI, 12 outubru 2020 (TATOLI)—VIII Governu Konstitusionál sei aprezenta medida rekuperasaun ekonómika ba Parlamentu Nasionál (PN) iha loron 20 outubru 2020.

Notísia Relevante:  Rekuperasaun ekonómika: prevee millaun $113,4 ba medida haat kurtu prazu

“Iha loron 20 outubru semana oin, Governu sei aprezenta planu rekuperasaun ekonómiku ba Parlamentu Nasionál kona-ba saida de’it Governu atu halo,” Ministru Asuntu Parlamentár no Komunikasaun Sosiál (MAPKOMS), Francisco Jerónimo, informa ba jornalista sira iha Parlamentu Nasionál, segunda ne’e.

Iha proposta-lei Orsamentu Jerál Estadu (OJE) 2020 ne’ebé Parlamentu Nasionál aprova ona ho montante biliaun $1.497,1 no hosi montante orsamentu ne’e prevee millaun $113,4 ba medida rekuperasaun ekonómika.

Entretantu Sekretária Meza Parlamentu Nasionál, Deputada Lídia Norberta dos Santos Martins, haktuir iha reuniaun líder bankada ohin aprova ona ajenda diskusaun ba medida rekuperasaun ekonómika fixa ona ba loron 20 outubru, semana oin.

Notísia Relevante: Medida rekuperasaun ekonómika sei benefísia povu

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here