Jogador Klube Boavista FC Timor joga hasoru ekipa Emanuel FC iha Estadiu Munisipál Dili.Imajen/ Dok.Midia FFTL.

DILI, 12 outubru 2020 (TATOLI) – Treinadór ekipa Emanuel FC, Januário de Almeida hateten, maski kopa Federasaun Futeból Timor – Leste (FFTL) sira la konsege ultrapasa ba oitavu finál, maibé sira mantein nafatin treinamentu hodi prepara jogadór sira ba tasa 12  Novembru, époka ne’e.

Notísia Relevante : Kopa FFTL, Manan Kablaki maibé Emanuel “hela” nafatin

“Ami mantein nafatin treinamentu hodi prepara ba tasa 12 Novembru ne’ebé sei hala’o iha tempu besik ne’e no liga ne’ebé mak sei hala’o tinan mai ne’e. Treinamentu kontinua lao nafatin hodi prepara jogadór sira nia mentalidade no fíziku nune’e bele kompete iha jogu saida de’it,” hateten Januário de Almeida, hodi responde Agência Tatoli iha Estádiu Munisipál Dili, domingu (11/10).

Nia dehan, Emanuel nia objetivu oinsá mak atu prepara futuru jogadór sira nian bele sai di’ak liután. Tanba ne’e sei la para hala’o treinamentu kada loron.

Maski durante jogu kopa FFTL ne’ebé lao jogadór Emanuel barak halo fallansu, ba oin hanesan treinadór nia komprometidu atu hadi’a fallansu hirak ne’e.

“Fallansu hirak ne’ebé mak durante ne’e ha’u nia jogadór sira halo iha jogu kopa FFTL nian ami sei hadi’a hotu fallansu hirak ne’e, atu nune’e jogu tasa 12 Novembru, no liga mai ami bele hatudu jogu ne’ebé di’ak,” hateten Januário.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here