Vice Ministru Administrasaun Estatal, Lino de Jesus Torezao. Imajen/Antonia Maia Gusmao

DILI, 12 outubru 2020 (TATOLI)–Prezidente Ekipa Juri Ministériu Administrasaun Estatál (MAE), Lino de Jesus Torrezão, hatete iha loron 15 outubru tinan ne’e, MAE sei realiza ezame ba kandidatu administradór munisípiu tolu mak hanesan Munisípiu Aileu, Ainaro no Covalima.

Notísia Relavante: Semana ne’e, MAE konklui ona rezultadu ezame kandidatu prezidente autoridade

“Iha kinta loron 15 outubru tinan 2020 ne’e, bain-tolu ne’e, ita sei realiza ezame ba kandidatu administradór munisípiu hosi munisípiu tolu mak hanesan Aileu, Ainaro no Covalima,” dehan Prezidente Ekipa Juri MAE, Lino de Jesus Torrezão, ba Agência TATOLI iha nia knaar fatin Colmera, Dili, segunda ne’e.

Governante ne’e hateten, tanba kandidatu sira-ne’e konklui hotu tiha ona no lista defenitivu mós sai hotu ona entaun agora hein de’it atu tuir ezame iha loron hirak tuir mai. 

“Ita hein de’it atu ita-nia kandidatu sira ne’e tuir ezame tanba sira konklui hotu ona sira-nia lista defenitivu,”  nia hateten. 

Tuir nia, to’o agora ne’e MAE simu lista kandidatu hosi munisípiu neen (6), prezidente autoridade ida mak hosi    Munisípiu Bucau no administradór munisípiu lima (5) mak hodi Postu Administrativu Lautém, Viqueque, Aileu, Ainaro no Covalima.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here