DILI, 10 outubru 2020 (TATOLI) – Ekipa Universidade Timor Lorosa’e (UNTL) Academica FC obrigadu tenke fahe pontu ho nia adversáriu Porto Taibessi FC ho golu 2-2 iha jogu kopa Federasaun Futeból Timor – Leste (FFTL) ne’ebé hala’o iha Estádiu Munisipál Dili, ohin loraik.
Hosi rezultadu ne’e fó ona oportunidade ba ekipa Karketu Dili FC no Sporting Clube de Timor, avansa ba Oitavu finál iha grupu C nian. Enkuantu Academica, Porto Taibessi no Aitana FC tenke hela naran ona tanba la konsege hetan pontu boot.
Golu Academica prodús hosi jogadór, João Pinto (7) iha minutu ’72, José Boavida ’85 no golu Porto Taibessi hatama hosi Octavio Mesquia (6) ’69, ho Filipe da Ruz (10) ’90+3.
Jogu ne’e dirije hosi árbitru Francisco Pereira, juiz liña Antonio de Carvalho, Emilio de Araujo no árbitru rezerva Gaspar Soares.
Jornalista : Hortencio Sanchez
Editór : Francisco Simões
