Jogadór Santa Cruz FC. Imajen/Dok.Mídia LFA

DILI, 09 outubru 2020 (TATOLI) – Treinadór prinsipál Santa Cruz FC, João Campos, deklara sira-nia ekipa prontu atu kompete iha jogu Tasa 12  Novembru ne’ebé sei realiza hosi Liga Futeból Timor – Leste (LFTL), novembru, tinan ne’e.

Notísia Relevante : FIEL preparadu ba Tasa 12 Novembru

“Informasaun klaru ona ami sei prepara an hodi kompete. Ami prontu iha jogu saida de’it. Hanesan ha’u dehan ita bele joga di’ak, maibé la hatama golu ekipa seluk joga ladún di’ak mais halo golu, sira mak manán, entaun ami prepara an nafatin,” hateten João Campos, ba Agência Tatoli, ohin, iha Estádiu Munisipál Dili.

João relata tanba foin lalais órgaun LFTL liuhosi Diretór Verifikasaun no Lisensa José Carvalho anunsia ona ba públiku hodi loke rejistrasaun ba tasa 12 de novembru, hahú loron 5 to’o loron 20 outubru,  maka Santa Cruz FC halo hela preparativus ba rekizitu sira hodi lori ba rejistu.

Iha tasa 12 de Novembru fó prioridade de’it ba klube segunda divizaun no primeira divizaun LFTL mak sei partisipa. Enkuantu orsamentu ba jogu ne’e apoiu hosi Sekretaria Estadu Juventude no Desportu (SEJD) ho montante rihun 27 resin.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here