DILI, 09 outubru 2020 (TATOLI)-Prezidente Repúblika (PR), Francisco Guterres “Lú-Olo”, husu ba autoridade seguransa atu kontinua kontrola maka’as iha liña fronteira terrestre hodi evita abitante sira tama-sai illegal. Nune’e, bele kontribui mós prevensaun ba transmisaun peste letál COVID-19 mai Timor-Leste.
Notísia Relevante : Prezidente Repúblika dekreta ona estadu emerjénsia daneen
“Sira halo seguransa duni atu labele husik ema illegal atu tama-sai ita nia fronteira terrestre,’’ hateten PR Francisco Guterres “Lú-Olo” ba jornalista, ohin, iha edifísiu Ministériu Finansas, Dili.
Hatán kona-ba deskonfia iha membru polísia balun fasilita pesoál hosi organizasaun arte marsiál hodi tama sai illegal, Lú-Olo lia tun dehan, prosesu hotu Governu sei hala’o investigasaun atu bele hatene.
PR Francisco Guterres, hein katak medida sira iha implementasaun Estadu emerjénsia daneen ne’e Governu hola, tau ona medida restritiva ho sansaun ba ema tama-sai illegal sei selu koima.
Notísia Relevante : Prezidente Repúblika argumenta razaun kontinua aplika estadu emerjénsia
Jornalista : Nelson de Sousa
Editór : Francisco Simões
