Prezidente Repúblika, Francisco Guterres ‘Lú-Olo’. Imajen Tatoli/ Egas Cristóvão

DILI, 09 outubru 2020 (TATOLI)-Prezidente Repúblika (PR), Francisco Guterres “Lú-Olo”, hateten, Orsamentu Jerál Estadu (OJE) 2020 ne’ebé hetan ona  aprovasaun finál globál iha Parlamentu Nasionál (PN)  lori esperansa ba povu.

Notísia Relevante : Xefe Governu agradese PN aprova OJE 2020 iha finál globál

“Orsamentu ne’e fó esperansa ba povu nian,” hateten PR Francisco Guterres “Lú-Olo” hodi responde jornalista, ohin, iha edifísiu Ministériu Finansas, Dili.

Nia  konfirma katak, to’o agora nia parte seidauk  simu relatóriu finál kona-ba OJE 2020 hosi Parlamentu Nasionál, maibé iha posibilidade  parte lokraik bele enkamiña ona.

“Sei haree ba orsamentu ne’e sei uza Prezidente nia kompeténsia hodi promulga ka lae,” hateten PR Francisco Guterres “Lú-Olo”.

Iha loron 8 outubru  2020, Parlamentu Nasionál (PN)  aprova ona iha final global Orsamentu Jerál Estadu (OJE) 2020  ho montante biliaun $1,497,1 ho rezultadu votasaun a-favór 43, kontra 21 no abstensaun 1.

Notísia Relevante : PN aprova ona OJE 2020 iha finál globál

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here