Boksista hosi klube Thomas Américo, Gonio Campos. Imajen Tatoli/Hortencio Sanchez

DILI, 09 outubru 2020 (TATOLI) – Boksista hosi klube Thomas Américo, Gonio Campos prontu ona atu hatudu nia prestasaun iha mundu boxing iha eventu “Fight Night” 2020 ne’ebé organiza hosi El-Matador Boxing, sábadu kalan (10/10).

Notísia Relevante : El-Matador realiza eventu “Fight Night”

“Ha’u prepara másimu ona para aban-kalan iha Resintu Sekretaria Estadu Juventude no Desportu (SEJD), Dili, hatudu ha’u nia abilidade nu’udar ema boksista. Ha’u la otimista, maibé sa’e riin mak ita haree,” hateten Gonio Campos, ohin, iha Edifísiu SEJD.

Gonio partisipa iha mundu Boxing bainhira sei idade tinan 17 to’o ohin loron nia konsidera atividade Boxing mak favoritu ba nia. “Ha’u gosta boxing dezde ki’ik kedan to’o ohin loron. Iha tinan 2011 ba kraik ha’u treinu Boxing maibé iha Lautem,  2012 mak ha’u mai treinu iha klube Thomas Américo to’o ohin loron,” nia hateten

Bainhira hamutuk ho klube Thomas Américo, Gonio konsege partisipa iha eventu Boxing lubuk ida iha kapitál Dili no fatin seluktán.

Jornalista       : Hortencio Sanchez

Editór             : Francisco Simões

 

HAKEREK NO HATÁN

Please enter your comment!
Please enter your name here