Xefe Departamentu Bloku Operasaun no Anestezia, Ernesto da Silva Pacheco.Imajen/Felicidade Ximenes.

DILI, 08 outubru 2020 (TATOLI)-Departementu Bloku Operasaun no Anestezia Ospitál Nasionál Guido Valadares Dili, fó sai ninia relatóriu komesa fulan-janeiru to’o loron 7 outubru ne’e halo operasaun ba pasiente ho kazu emerjénsia ka todan hamutuk 1.625, kazu elektivu hamutuk 749 no kazu normal184.

Xefe Departamentu Bloku Operasaun no Anestezia, Ernesto da Silva Pacheco, hateten totál pasiente ne’ebé maka halo ona operasaun iha HNGV durante fulan janeiru to’o inísiu outubru ne’e hamutuk 2.618.

Notísia Relevante :Pasiente Ne´ebé Mate Iha Sala Operasaun HNGV Tanba Infesaun Maka´as Loron Hitu Iha Uma

Iha janeiru, médiku no dotór espesialista sira halo ona operasaun ba pasiente ho kazu emerjénsia 201, fevereiru 163, marsu 165, abríl 168, maiu 190, junu 177, jullu iha 186, agustu 200, setembru 175 no inísiu outubru iha 40.

Kazu Elektivu, durante fulan-janeiru iha pasiente 71, fevereiru 124, marsu 68, abríl na’in ida, maiu zero (0), junu 127, jullu 141, agustu 98, setembru 119 no inísiu outubru 21.

Kona-ba kazu normal, janeiru atende pasiente hamutuk na’in sia (9), fevereiru 28, marsu 15, abríl zero (0), maiu na’in sia (9), junu 38, jullu 37, agostu 14, setembru 26 no outubru iha ualu (8).

”Durante ita halo operasaun ba pasiente ne’ebé mak hanesan kazu boot no kiik hanesan kazu emerjénsia, elective, no day case, ida ne’e mak totál hamutuk 2618,” nia hateten ba jornalista sira iha HNGV, kinta ne’e.

Nia informa Sala operasaun iha espasu sufisiente tanba iha sala tolu hodi halo operasaun ba pasiente sira lorloron. No profisionál sira ne’ebé maka halo servisu iha Sala Operasaun hahú husi dotór to’o sira ne’ebé maka limpeza hamutuk ema na’in 52.

”Ami iha sala tolu no sala rua ami planu uza ba elective ida ne’ebé mak doutór sira atu mai opera no sala ida ami prepara ba emerjénsi hanesan moras urjente liliu iha maternidade nian sira planu kontaktu mai para atu opera,” nia dehan.

Notísia Relevante :Durante Fulan Rua-Resin, HNGV Opera Ona Pasiente 420

Jornalista : Felicidade Ximenes

Editór : Agapito dos Santos

HAKEREK NO HATÁN

Please enter your comment!
Please enter your name here