Diretór Edukasaun Rejionál Oekuse, Daniel Mauno. Imajen TATOLI/Cipriano Colo

DILI, 07 outubru 2020 (TATOLI)-Diretór Servisu Edukasaun Rejiaun Administrativa Espesiál Oé-Cusse Ambeno (RAEOA), Daniel Mauno, informa eskola hamutuk 100 iha Enclave Oe-Cusse, daudaun ne’e re-ativa ona sira-nia prosesu apreondizajen ba estudante sira.

Ensinu Pre-Eskolár  hamutuk 15, Ensinu Báziku 75, Ensinu Sekundáriu neen (6) no tékniku vokasionál hamutuk haat (4).

Notísia Relevante :RAEOA foin re-ativa eskola tolu

“Ita garante ona labarik sira iha RAEOA bele ona partisipa iha prosesu ensinu aprendizajen iha eskola, maske Oe-Cusse mak  tarde hala’o ninia prosesu sira ne’e,” nia informa asuntu ne’e ba Tatoli via telefone, kinta ne’e.

Mezmu prosesu aprendizajen ba estudante sira la’o ona maibé tuir nia Servisu Edukasaun RAEOA sei kontinua monitoriza no akompaña oinsá  eskola sira kumpre nafatin regra prevensaun COVID-19 maka tenki uza máskara, mantein distánsia sosiál, instala tanki bee moos, kria fatin lixu no seluk tan.

“Ami nafatin iha ekstra koidadu ho situasaun tanba Oe-Cusse ninia jeografikamente besik liu ho nasaun viziñu ho Indonézia tan ne’e ita nafatin kontrola atu ema hotu ne’ebé tama iha areadór eskola obrigasaun tenki kumpre rekezitu COVID-19 nian,” nia hateten.

Notísia Relevante :Falta eskola sia iha RAEOA seidauk re-ativa

Jornalista : Tomé Amado

Editór :Agapito dos Santos

HAKEREK NO HATÁN

Please enter your comment!
Please enter your name here