Reabilitasaun ba Jináziu Dili ka GMT (Gedung Matahari Terbit) to’o oras ne’e atinje ona 93%. Imajen Tatoli/Hortencio Sanchez

DILI, 07 outubru 2020 (TATOLI) – Progresu reabilitasaun ba Jináziu Dili ka GMT (Gedung Matahari Terbit) to’o oras ne’e atinje ona  93%. Tanba ne’e,  Diretora Administrasaun no Finansas, Sekretaria Estadu Juventude  no Desportu (SEJD),  Maria Luisa Monteiro, garante katak molok dezembru, tinan ne’e, kompañia Victoria Unipesoal, Lda, ne’ebé azekuta obra ne’e tenke entrega ona ba Governu.

Notísia Relevante : Prosesu Reabilitasaun Jináziu Dili Atinje Ona Pursentu 15

“Jináziu Dili nia progresu agora ne’e 93% ona, hakarak ka lakohi, dezembru, tinan ne’e, ita tenke simu ona tanba ita so bele iha orsamentu ba 2021 ba iha sira nia retensaun de’it, nune’e mak husu nafatin kompañia atu aselera nafatin sira-nia servisu,”  hateten  Maria Luisa Monteiro, hodi responde Agência Tatoli, ohin, iha edifísiu SEJD, Leçidere, Dili.

Projetu reabilitasaun Jináziu Dili ne’ebé hahú iha tinan ikus 2019 ho nia orsamentu $412,595.61.

Reabilitasaun ba jináziu ne’e ho orientasaun atu prepara ba jogu CPLP (Comunidade dos Pais das Lingua Portugues) ne’ebé atu halo jullu liubá ne’e, maibé la realiza tanba perturba ho pandemia CCOVID-19 ne’ebé afeta iha nasaun hotu-hotu.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here