Governu ho Parlamentu Nasional Votasaun Proposta OJE 2020 iha debate faze Espesialidade, iha sala plenáriu PN, kuarta (07/10). Imajen Tatoli/Egas Cristovão

DILI, 07 outubru 2020 (TATOLI)—Parlamentu Nasionál aprova ona proposta orsamentu hosi Ministériu Petróleu no Minerál (MPM) iha espesialidade ho montante millaun $27.651.

Proposta orsamentu hosi Ministériu Petróleu no Minerál millaun $27.651 ne’ebé koloka ba saláriu no vensimentu rihun $341, bens (sasán) no servisu rihun $611, transferénsia públika millaun $26.699.

Hosi montante orsamentu ne’e koloka ba Gabinete Ministru rihun $223, Diretór Jerál rihun $5, Gabinete Inspesaun no Auditoria rihun $14.

Nune’e mós Gabinete Apoiu Jurídiku rihun $6, Diresaun Nasionál Administrasaun no Finansa millaun $27.303, Sekretariadu TL-EITI rihun $83 no Diresaun Nasionál Rekursu Umanu rihun $18 ho rezultadu votasaun a-favór 41, kontra 0 no abstensaun 18

“Ho nune’e orsamentu ba Ministériu Petróleu no Minerál pasa,” Prezidente Parlamentu Nasionál, Deputadu Aniceto Longuinhos Guterres Lopes, anunsia liuhosi debate espesialidade loron datoluk iha plenária Parlamentu Nasionál, kuarta ne’e.

Parlamentu Nasionál la halo diskusaun ba orsamentu hosi ministériu tanba laiha proposta hosi deputadu sira.

Bazeea ba Rejimentu Parlamentu Nasionál (RPN) artigu 109 alínea 2 hateten, sei laiha diskusaun iha espesialidade ba artigu ida se la aprezenta proposta alterasaun ruma.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here