Governu ho Parlamentu Nasional Votasaun Proposta OJE 2020 iha debate faze Espesialidade, iha sala plenáriu PN, kuarta (07/10). Imajen Tatoli/Egas Cristovão

DILI, 07 outubru 2020 (TATOLI)—Reprezentante povu sira iha uma fukun Parlamentu Nasionál aprova ona orsamentu ho montante millaun $29.557 ba autoridade munisipál no administrasaun munisipál 12 ho rezultadu votasaun a-favór 44, kontra 0 no abstensaun 21

“Ho nune’e orsamentu autoridade munisipál haat (4) no administrasaun munisipál ualu (8) pasa,” Prezidente Parlamentu Nasionál, Deputadu Aniceto Longuinhos Guterres Lopes, anunsia liuhosi debate espesialidade loron datoluk iha plenária Parlamentu Nasionál, kuarta ne’e.

Totál despeza ba autoriade no administrasaun munisipál ho valór millaun $29.577 komposta hosi saláriu no vensimentu millaun $13.041, bens no servisu millaun $9.016 no transferénsia públika millaun $7.520. Entretantu administrasaun munisipál 12 ba tinan 2020 laiha kapitál minór no kapitál dezenvolvimentu.

Hosi montante orsamentu millaun $29.577 ne’e deskreve ba Administrasaun Munisipál Baucau ho montante millaun $3.019 ne’ebé koloka ba saláriu no vensimentu millaun $1.304, bens no servisu rihun $670 no transferénsia públika millaun $1.046.

Iha orsamentu 2020 prevee ba Munisipál Bobonaro ho montante millaun $2.541 koloka ba saláriu no vensimentu millaun $1.241, bens no servisu rihun $564 no transferénsia públika rihun $737.

Orsamentu ba Munisipál Dili ho montante millaun $5.153 koloka ba saláriu no vensimentu millaun $1.659 bens no servisu millaun $2.789 no transferénsia públika rihun $705.

Orsamentu ba Munisipál Ermera ho montante millaun $2.269 koloka ba saláriu no vensimentu rihun $8.57, bens no servisu rihun $452 no transferénsia públika rihun $960.

Orsamentu ba Munisipál Aileu ho montante millaun $1.829 koloka ba saláriu no vensimentu rihun $798, bens no servisu rihun $558 no transferénsia públika rihun $472.

Orsamentu ba Munisipál Ainaro ho montante millaun $1.964 koloka ba saláriu no vensimentu rihun $950, bens no servisu rihun $589 no transferénsia públika rihun $426.

Orsamentu ba Munisipál Covalima ho montante millaun $2.142 koloka ba saláriu no vensimentu millaun $1.161, bens no servisu rihun $453 no transferénsia públika rihun $528.

Orsamentu ba Munisipál Lautém ho montante millaun $2.504 koloka ba saláriu no vensimentu millaun $1.165, bens no servisu rihun $792 no transferénsia públika rihun $547.

Orsamentu ba Munisipál Liquiçá ho montante millaun $1.727 koloka ba saláriu no vensimentu rihun $870, bens no servisu rihun $406 no transferénsia públika rihun $450.

Orsamentu ba Munisipál Manufahi ho montante millaun $2.052 koloka ba saláriu no vensimentu millaun $1.042, bens no servisu rihun $531 no transferénsia públika rihun $479.

Orsamentu ba Munisipál Manatuto ho montante millaun $2.182 koloka ba saláriu no vensimentu rihun $986, bens no servisu rihun $779 no transferénsia públika rihun $418.

Administrasaun Munisipál Viqueque hamutuk millaun $2.194 koloka ba saláriu no vensimentu millaun $1.007, bens no servisu rihun $435 no transferénsia públika rihun $752.

Medida prinsipál setoriál ualu (8) hosi administrasaun munisipál 12 ba tinan fiskál 2020 mak garante funsionamentu normál servisu sira iha área administrasaun munisipál hanesan edukasaun, saúde, agrikultura, asaun sosiál, dezastre naturál, obra públika no transporte, água, saneamentu, rejistu, notariadu, kadastru, jestaun merkadu no turismu

Media prinsipál daruak, asegura kontinuidade implementasaun programa no atividade deskonsentrasaun administrativa. Medida prinsipál datoluk apoia implementasaun Programa Nasionál Dezenvolvimentu Suku (PNDS) no medida prinsipál dahaat kontinua rosesa implementasaun Programa Dezenvolvimento Integradu Munisipál (PDIM).

Medida prinsipál dalima kontinua apoiu insentivu no subsídiu ba lideransa komunitária sira no media prinsipál daneen reforsa servisu saneamentu no limpeza urbana iha kapitál munisipál

Medida prinsipál dahitu no daualu apoiu atividade sensibilizasaun komunitária jerál no dezemvolve governasaun di’ak no jestaun institusionál, fortalese kapasidade rekursu umanu.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here