Parlamentu Nasional halo votasaun ba proposta OJE 2020. Imajen Tatoli/Egas Cristovão

DILI, 07 outubru 2020 (TATOLI)—Parlamentu Nasionál (PN), ohin, aprova orsamentu Agência TATOLI,I.P ho valór rihun $362 no montante orsamentu rihun $362 ne’e prevee iha  bens (sasán) no servisu.

Reprezentante povu sira aprova proposta orsamentu hosi Agência TATOLI,I.P ho rezultadu votasaun a-favór 44, kontra 0 no abstensaun 21.

“Ho nune’e orsamentu ba Agência TATOLI pasa,” Prezidente Parlamentu Nasionál, Deputadu Aniceto Longuinhos Guterres Lopes, anunsia liuhosi debate espesialidade loron datoluk iha plenária Parlamentu Nasionál, kuarta ne’e.

Entretantu iha loron 05 outubru 2020, Vise-Ministra Finansa, Sara Lobo Brites, hateten Agência Notisioza Timor-Leste-TATOLI, sai ona hosi verba orsamentu Ministériu Asuntu Parlamentár no Komunikasaun (MAPKOMS) nian.

“Ita-nia Agência TATOLI nia estatutu hanesan Institutu Públiku (IP), nia sai tiha hosi estrutura MAPKOMS nian tanba ne’e mak proposta-lei iha diferénsa $362 mill,” Vise-Ministra Finansa, Sara Lobo Brites hateten.

Jornalista: Evaristo Soares Martins

Editor: Cancio Ximenes

HAKEREK NO HATÁN

Please enter your comment!
Please enter your name here