Governu defende Proposta OJE 2020 iha debate faze espesialidade loron datoluk, iha sala plenáriu, kuarta (07/10). Imajen Tatoli/Egas Cristovão

DILI, 07 outubru 2020 (TATOLI)- Parlamentu Nasionál (PN) liuhosi diskusaun proposta Orsamentu Jerál Estadu (OJE) 2020 iha faze espesialidade ba loron datoluk, aprova ona orsamentu ba fundu onfraestrutura (FI) ho montante $184.930.022 ho votu a-favór 44, kontra 0 no abstesaun 21.

“Orsamentu ba fundu infaestrutura aprovadu,” deklara Prezidente Parlamentu Nasionál, Aniceto Guterres, iha sala plenáriu, kuarta ne’e.

Alokasaun orsamentu ba FI atu finansia despeza programa 22, kompostu hosi programa agrikultura millaun $1,194, água no saneamentu millaun $2,637, dezenvolvimentu urbanu no rurál millaun $2,300, edifísiu públika millaun $3,295, edukasaun $68.000, enerjia elétrika millaun $4,269, ekipamentu informátiku millaun $2,589, saúde $211.000, seguransa no defeza millaun $3,808, solidariedade sosiál $600.000, programa tasi mane millaun $2.

Nune’e mós ba programa aeroportu millaun $3,981, preparasaun dezeñu no supervizaun ba projetu foun millaun $3,629, estrada sira $80.000, ponte millaun $3,503, portu millaun $1,989, setór turizmu $16.000, sistema finanseiru no suporte infraestrutura millaun $3,100, setór juventude no desportu $613.000, manutensaun no reabilitasaun millaun $4,264, despeza Sekretariada Grande Projetu  (SGP)/MPS $862.000 no programa empréstimu $60.000.

Hosi prioridade governasaun hamosu medida prinsipál tolu hosi FI hanesan kontinua no disponibiliza finanseiru ba funsionamentu programa no projetu estratejiku, prosede akizisaun, konstrusaun, dezenvolvimentu, manutensaun no reabilitasaun ba infaestrutura rodaviária, infaraestrutura kariz sosiál, infraestrutura protesaun kontra cheia no deslizamentu rai.

Ba instalasaun no tratamentu ba bee no rezudiál no saneamentu báziku, jeradór enerjia no liña distribuisaun, telekomunikasaun, instalasaun lojíztika, edifísiu governamentál no instalasaun públika, no insfraestrutura ne’ebé promove dezenvolvimentu estratéjiku, ikus liu mak promove boa governasaun no jestaun institusionál.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here