Governu defende Proposta OJE 2020 iha debate faze espesialidade loron datoluk, iha sala plenáriu, kuarta (07/10). Imajen Tatoli/Egas Cristovão

DILI, 07 outubru 2020 (TATOLI)—Ministériu Interiór (MI) lideradu Taur Matan Ruak prioritiza medida prinsipál tolu iha tinan fiskál 2020 hodi garante funsiomanentu normál no jestaun instituisionál.

Proposta orsamentu 2020 hosi Ministériu Interiór inklui Polísia Nasionál Timor-Leste (PNTL) millaun $45.990 ne’ebé fahe ba saláriu no vensimentu millaun $22.621, bens (sasán) no servisu millaun $21.229, transferénsia públika millaun $1.900 no kapitál minór rihun $240.

Orsamentu ba Ministériu Interiór millaun $13.759 koloka ba saláriu no vensimentu millaun $5.981, bens (sasán) no servisu millaun $5.879 no transferénsia públika millaun $1.900.

Entretantu orsamentu ba Polísia Nasionál Timor-Leste (PNTL) millaun $32.230 ne’ebé koloka ba saláriu no vensimentu millaun $16.641, bens (sasán) no servisu millaun $15.350 no kapitál minór rihun $240.

Hosi montante hosi Gabinete Ministru Interiór ko’a rihun $15 tanba mundu hasoru hela pandemia Covid-19 entaun labele halo viajen ba Indonézia.

Orsamentu hosi Ministériu Interiór ho valór rihun $900 tranzita verba hosi kategoria transferénsia públika ba Sekretariu Estadu Protesaun Sivíl nian.

Hafoin diskusaun, reprezentante povu sira aprova montante orsamentu hirak ne’e ho rezultadu votasaun a-favór 43, kontra 3 no abstensaun 17.

Ministériu Interiór iha medida prinsipál setoriál tolu (3) iha tinan fiskál 2020 ho medida dahuluk mak promove, garante no salvaguarda  seguransa nasionál, nomeadamente kapasita, forma no treina membru operasionál hosi garante kualidade iha atendimentu públiku.

Medida prinsipál dahuluk ne’e mós fó garantindu atendimentu ida diak no kualidade, profisionál, imparsiál no integra vítima konflitu no dezastre ka asidente sira.

Iha medida prinsipál dahuluk ne’e mós estabelese enkuadramentu legál (internu no externu),  dezenvolve kooperasaun servisu ho ajente protesaun sivíl (interna) no parseiru internasionál (externa), dezenvolve infraestrutura (edifísiu integradu sira iha kuartél bombeiru nian)

Medida prinsipál daruak hosi Ministériu Interiór nian mak mplementa polítika jéneru no medida prinsipál datoluk mak promove boa governasaun no jestaun institusionál iha ministériu no fortalese institusaun sira seluk ne’ebé tutela ba ministériu refere.

Jornalista: Evaristo Soares Martins

Editor: Cancio Ximenes

HAKEREK NO HATÁN

Please enter your comment!
Please enter your name here