Reitor Unital, Florindo Pereira. Imajen Egas Cristovão

DILI, 07 outubru 2020 (TATOLI)-Universidade Orientál Timor Lorosa’e (UNITAL) iha fakuldade hitu ho kursu 36, maibé kursu 18 maka seidauk hetan akreditasaun husi Ajénsia Nasionál Avalisaun Akreditasaun Akadémika (ANAAA) durante ninia avaliasaun iha tinan 2018.

Fakuldade hitu ne’e kompostu husi Fakuldade Edukasaun iha kursu neen, Fakuldade Ekonomia iha kursu haat, Fakuldade Agrikultura iha kursu hitu, Fakuldade Enjinária kursu ualu, Diretu iha kursu ida, Siénsia Sosiál no Polítika iha kursu tolu no Siénsia Saúde iha kursu haat.

Kursu ne’ebé maka akreditadu ona hanesan Matemátika, Sosiolojia, Língua Inglés, Língua Portuguêsa, Jestaun, Kontabilidade, Agronomia, Agro Ekonomia, Pekuaria, Enjinária Sivíl, Elektro Téknika, Informátika.

No kursu 18 ne’ebé maka seidauk akredita hanesan Biolojia, Kímiku, Fizíka, História, Estudu Dezenvolvimentu Ekonómiku, Floresta, Peska, Enjinária Industriál, Arkitektura no Planolojia, Geolojia, Petróliu, Direitu, Administrasaun Públiku, Relasaun Internasionál, Komunikasaun Sosiál, Enfremazen, Saúde Públika, Nutrisaun no Análiza Laboratóriu.

Reitór UNITAL,  Florindo Pereira, informa kona-ba kursu 18 ne’ebé seidauk akredita, oras ne’e, iha ona prosesu preparasaun hodi hetan akreditasaun iha faze daruak nian.

“Ita tenki prepara rekursu humanu (dosente) ho kualifikadu iha nivel akadémiku mestradu, laboratóriu tenki iha kada departementu hodi bele suporta nesesidade estudante sira nian, kuríkulu no estrutura administrasaun fakuldade nian hodi suporta departementu sira ne’ebé ejiste,” Ezekutivu dehan ba Tatoli iha ninia servisu fatin UNITAL Becora, kuarta ne’e.

Jornalista : Tomé Amado

Editór :Agapito dos Santos

HAKEREK NO HATÁN

Please enter your comment!
Please enter your name here