Antigu Ospitál Indonézia, Wirahusada, Lahane. Imajen tatoli/António Gonçalves

DILI, 07 outubru 2020 (TATOLI)-Kompaña HEDGE Contraction LDA, iha tempu badak sei finaliza projetu reabilitasaunOspitál António de Carvalho Lahane Dili hodi entrega ba Ministériu Saúde atu uza ba sala izolamentu COVID-19.

Na’in ba Kompaña HEDGE Contraction LDA, Francisco Moniz, relata projetu ne’e besik atinje ona pursentu 100.

Notísia Relevante :Reabilitasaun Ospitál Lahane Atinje Ona Pursentu 30

”Reabilitasaun Ospitál Lahane Antonio Carvalho besik to’o ona porsentu 100 (%) tanba hela de’it finishing maka oksijéniu entaun servisu adisionál ne’ebé dezeñu ho BOQ ne’e laiha ezemplu dada bee ne’e mak seidauk depois ami monta trafu dada bee iha bee ulun mai iha ospitál atu halo tanke bee nian rua ida ne’e mak seidauk,” Francisco Moniz ba Tatoli via telefone, kuarta ne’e.

Projetu ne’e ho durasaun fulan-tolu komesa juñu no ramata iha setembru 2020 ho valór orsamentu millaun $ 4.51.

”Ministériu Saúde informa mai ami katak iha fulan-novembru ami tenki entrega hodi nune’e sira atu uza ona Ospitál Lahane ne’ebé loron ikus outubru ami entrega ona ba Ministériu Saúde,” nia hateten.

Tuir BOQ (Bill of Quantity), Kompaña tenki taka kalen foun, plafon no instalasaun eletrisidade foun, drainazen, dada bee moos no seluk tan.

Ospitál lahane iha sala izolamentu haat, kompsotu husi sala admintrasaun no haris fatin inklui sala sira seluk tan.

Notísia Relevante :Reabilitasaun Ospitál Lahane atinje pursentu 90

Jornalista :Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here