Aserbispu ba arkedioseze metropolitana Dili, Don Virgílio do Carmo da Silva. Imajen Tatoli/António Gonçalves

AINARO, 07 outubru 2020 (TATOLI)–Aserbispu ba arkedioseze metropolitana Dili, Don Virgílio do Carmo da Silva, apresia serbisu Ministériu Turizmu Komérsiu no Indústria (MTKI), ne’ebé halo jestaun ba sítiu Na’in-Feto Ramelau ho ninia dezenvolvimentu di’ak tebes.

“Ha’u hakarak hato’o apresiasaun tanba dezde tinan 2018, Ministériu Turizmu Komérsiu no Indústria esforsu halo serbisu hamutuk ho dioseze atu buka alternativa kona-ba jestaun ba ita-nia fatin turizmu ninian iha Ramelau no agora jestaun di’ak tebes,” Don Virgílio hato’o nia apresiasaun bainhira partisipa serimónia tara-bandu, kuarta ne’e, iha sítiu Ramelau, postu administrativu Hatubelico, munisípiu Ainaro.

Arsebispu konsidera, MTKI hatudu serbisu ne’ebé di’ak tebes tanba durante tinan-rua ne’e iha mudansa signifikante.

Iha fatin hanesan, Diretór Jerál Turizmu MTKI, José Filipe Quintas, promete katak ba oin ministériu kontinua tau-matan ba jestaun sítiu Na’in-Feto Ramelau.

Nia rekoñese katak jestaun sítiu relijiozu iha difikuldade boot, liuliu liga ba kestaun lixu, tanba ne’e husu ema hotu ne’ebé vizita fatin ne’e atu kolabora hodi tau lixu iha fatin no labele soe arbiru.

“Ha’u husu ba ema hotu atu kolabora, labele soe lixu arbiru iha sítiune’e atu nune’e ita hotu kontribui hadi’a jestaun ho di’ak liután.” nia apela.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here