Prezidente Repúblika, Francisco Guterres Lú Olo. Imajen/ Egas Cristovao

DILI, 06 outubru 2020 (TATOLI)–Prezidente Repúblika, Francisco Guterres Lú Olo, ohin, promulga Dekretu-Lei kona-ba medida apoiu ba família liuhusi atribuisaun “Cesta Bázika” ba operadór ekonómiku lokál iha ámbitu planu rekuperasaun ekonómiku no kria rejime espesiál aprovizionamentu ba efeitu.

Dekretu-Lei ne’e regula kona-ba mekanizmu no kondisaun ba implementasaun medida apoiu ba família liuhosi atribuisaun “Cesta Bázika” hanesan produtó agrikola no operadór komersiál ba produtu alimentar no ijiene pesoál, nasionál no lokál, ho perspetiva estimulasaun ekonómiku ba kurtu prazu no insentiva produsaun no komérsiu iha nível lokál no nasionál.

Cesta Bázika kompoin hosi ai-han esensiál no produtu ijiene ka voucher sosa nian ne’ebé koresponde sasán ho valór hanesan hodi envolve produtó agrikola, produtór no operadór komersiál, membru  ida-idak iha uma-kain ne’ebé sei hetan apoiu no rejista iha Livru Rejistu Uma Kain to’o 11 maiu 2020.

Cesta Bázika sei fahe ba membru ida-idak iha uma-kain sira iha fulan novembru no dezembru 2020. Montante ba Cesta Bázika mak ho valór $25 ba membru ida-idak iha uma-kain ba kada fulan, ba fulan rua nian.

Implementasaun medida apoiu ba família sei lidera hosi Ministru Koordenadór ba Asuntu Ekonómikus ne’ebé koopera ho servisu públiku relevante no instituisaun la’ós Administrasaun Públika ninian.  Membru Governu ne’ebé responsavel ba área saúde sei halo validasaun ba lista produtu atu hatene ninian nutrisaun no sanitáriu husi kada produtu ai-han.

Membru Governu ne’ebé tau matan ba área administrasaun estatál sei serbisu hamutuk ho autoridades no administrasoins munisipais no sukus ba elaborasaun lista xefe família no númeru totál ba membru uma-kain ne’ebé sei sai benefisiáriu no organiza ninia distribuisaun.  Membru Governu ne’ebé responsabiliza ba área solidariedade sosiál no inkluzaun disponibiliza rede nasionál no sentru solidariedade sosiál iha munisípiu sei apoiu distribuisaun Cesta Bázika.

Konsellu Ministru aprova diploma ne’e iha 23 setembru 2020 iha ámbitu Planu Rekuperasaun Ekonómika tuir Rezolusaun Governu númeru 28/2020, 19 agostu.

Komunikadu Imprensa

HAKEREK NO HATÁN

Please enter your comment!
Please enter your name here