Primeiru-Ministru, Taur Matan Ruak, hamutuk ho membru Governu sira defende Proposta OJE 2020 iha debate faze Espesialidade, iha sala plenáriu. Imajen Tatoli/Egas Cristovão

DILI, 06 outubru (TATOLI)—Dotasaun orsamentu ba todo Governu aprovadu iha espesialidade ho montande $163,447,294 ba tinan fiskál 2020 ho rezultadu votasaun a-favór 39, kontra 1 no abstensaun 19.

“Ho nune’e orsamentu orsamentu ba todo governu pasa”, Prezidente Parlamentu Nasionál, Deputadu Aniceto Longuinghos Guterres Lopes, anunsia liuhosi plenária, tersa ne’e.

Governu liuhosi Ministériu Finansa prevee orsamentu iha Dotasaun para Todo Governu hamutuk $163,447,294 ba tinan fiskál 2020. Hosi montante orsamentu ne’e prevee iha bens (sasán) no servisu $44,657,294, transferénsia públika $118,790,000. Hosi montante millaun $163 resin ne’e, saldo ne’ebé iha hela millaun $162-resin.

Medida prinsipál setoriál iha tinan 2020 ne’ebé prevee ba dotasaun todo governu hanesan  fundu kontrapartida hamutuk $17,064,808 ne’ebé prevee iha bens no servisu, auditoria esterna $500,000 prevee iha bens no servisu, rezerva kontinjénsia $13,792,486 prevee iha bens servisu, kuota membru instituisaun internasionál $2,295,515 prevee iha bens servisu.

Hosi orsamentu rezerva fundu kontijénsia $13,792,486 hasai millaun $3-resin ba instituisaun seluk liuhosi proposta alterasaun sira. Instituisaun sira-ne’ebé hetan mak Tribunál Rekursu, Komisaun Antí Korrupsaun (KAK), Insitutu Defeza Nasionál (IDN) no instituisaun balun tán no saldu iha fundu kontijénsia hela millaun $10-resin.

Enterantu verba ba pensaun eis-titulár no eis-membru órgaun soberania hamutuk $5,500,000 prevee iha bens servisu no transferénsia públika, provizaun ba g7+ $1,000,000 prevee iha transferénsia públika, provizaun ba servisu legál $10,000,000 prevee iha bens no servisu.

Nune’e mós provizaun ba Autoridade Rejiaun Administrativa espesial Oé-Cusse no Zona Espesiál Ekonomia Sosiál no Merkadu Oé-Cusse Ambeno-Ataúro $76,000,000 prevee iha transferénsia públika, provizaun ba apoiu konferénsia episkopál $5,000,000 prevee iha transferénsia públika no kontribuisaun Estadu ba rejime kontributivu seguransa sosiál $13,390,000 prevee iha transferénsia públika.

Entretantu apoiu atividade CPLP $154,485 prevee iha bens no servisu, apoiu finanseiru internasionál $1,000,000 prevee iha transferénsia, provizaun ba kapitalizasaun do Banco Nacional de Comércio de Timor-Leste $5,000,000 prevee iha bens no servisu.

Provizaun ba ofisina manutensaun veíkulu Governu nian $750,000 prevee iha bens no servisu, provizaun ba pagamentu empréstimu $8,000,000 prevee iha transferénsia públika, provizaun ba pagamentu taxa $2,000,000 prevee iha transferénsia públika no provizaun ba pagamentu taxa BCTL $2,000,000 prevee iha transferénsia públika.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here