Segundu Komandante Polísia Munisípiu Dili, Superintendente Euclides Belo. Imajen Tatoli/ Antonio Goncalves

DILI, 06 outubru 2020 (TATOLI)- Komandu Polísia Munisípiu Dili durante fulan tolu; husi  jullu to’o setembru 2020, kontribui reseita hamutuk $54,859 ba kofre Estadu Timor-Leste.

Notísia Relevante : Polísia halo apreensaun ba taxi 42 ho mikrolete haat

Osan hirak ne’e PNTL Seksaun Tránzitu Rodoviáriu Dili rekolla hosi infratór sira ne’ebé komete irregularidade kontra lei kódigu estrada tuir dekretu lei númeru 6/2003, loron 3 Abríl.

“Durante fulan tolu ne’e ita hatama osan hamutuk $54,859 ba kofre Estadu Timor-Leste. Kompostu hosi jullu hamutuk $22,17, agostu ($14,353) no setembru $18,390,” dehan Segundu Komandante PNTL Munisípiu Dili, Superintendente, Euclides Belo ba jornalista, ohin, iha Komandu PNTL, Caicoli, Dili.

Euclides hatutan, PNTL sei kontinua hala’o nafatin operasaun maka’as iha kapitál Dili to’o dezembru 2020, hodi fó edukasaun sívika ba sosiedade sira uza transporte privadu no estadu nian tenke kumpre lei hodi evita asidente tráfegu.

Jornalista   : Eugénio Pereira

Editór        : Francisco Simões

 

HAKEREK NO HATÁN

Please enter your comment!
Please enter your name here