Diretora Ezekutiva Laboratoriu Nasional Endang Soares da Silva. Imajen /Egas Cristovão

DILI, 05 outubru 2020 (TATOLI)-Diretora Laboratóriu Nasionál, Endang Soares, relata Ajénsia Internasionál UNICEF iha Timor-Leste iha loron 01 fulan-outubru liubá entrega ona reajente GeneXpert unidade 223 ho totál 2.230 ba Laboratóriu Nasionál (LABNAS) hodi halo teste ba COVID-19.

“Antes Apoiu reajente ba Laboratóriu Nasionál ne’e husi parseiru sira seluk hanesan Menzies, Globál Fund, KOICA, WHO, no mós UNDP ne’ebé uza ho orsamentu Governu nian mak durante ne’e apoiu uluk, no ami distribui ona ba Munisípiu sira hanesan Suai, Oé-Cusse, Bobonaro inklui Viqueque depois tuirmai tan mak Baucau no Maubesi,” Ezekutivu ne’e dehan ba Tatoli iha ninia servisu fatin, segunda ne’e.

Notísia Relevante :Governu simu apoiu ekipamentu COVID-19 husi UNICEF

Kona-ba ekipamentu hirak ne’e, nia esplika daudaun ne’e, asegura ona iha armazén Laboratóriu Nasionál.

“UNICEF nia reajente ne’ebé apoiu ba ami seidauk utiliza sei rai hela iha Laboratóriu Nasionál Saúde tanba estoke sira ne’ebé mak apoiu uluk husi parseiru sira seluk ne’e sei iha hela,” nia hateten.

Iha fatin hanesan Reprezentante UNICEF iha Timor-Leste, Valérie Taton, hateten dezde inísiu pandemia globál COVID-19, UNICEF forñese ona apoiu multi-dimensionál ba responde situasaun nasionál no sei kontinua fó apoiu hodi kombate moras globál ne’e.

“Ami mós sei kontinua fó apoiu ba prestasaun servisu saúde rutina ba labarik no famiíia sira aleinde COVID-19,” nia hateten.

Notísia Relevante :UNICEF apoiu ekipamentu prevensaun COVID-19 ba prijaun tolu

Jornalista : Felicidade Ximenes

Editór : Agapito dos Santos

HAKEREK NO HATÁN

Please enter your comment!
Please enter your name here