Primeiru-Ministru, Taur Matan Ruak, hamutuk ho membru Governu sira defende Proposta OJE 2020 iha debate faze Espesialidade, iha sala plenáriu. Imajen Tatoli/Egas Cristovão

DILI, 05 outubu 2020 (TATOLI)—Ministru Prezidénsia Konsellu Ministru (MPCM-sigla portugés) lideradu Fidelis Magalhães, prioritiza medida prinsipál neen (6) iha tinan fiskál 2020.

Orsamentu hosi PCM nian hamutuk  millaun $3.807 ne’ebé fahe ba saláriu no vensimentu rihun $506, bens (sasán) no servisu millaun $3.302. Purtantu orsamentu PCM ba tinan 2020 laiha transferénsia públika, kapitál minór no kapitál dezenvolvimentu.

Entretantu reprezentante povu sira aprova orsamentu hosi Ministériu Prezidénsia Konsellu Ministru ho rezultadu votasaun a-favór 43 kontra 0 no abstensaun 20.

“Nune’e orsamentu ba Ministru Prezidénsia Konsellu Ministru nian nian pasa,” Prezidente Parlamentu Nasionál, Deputadu Aniceto Longuinhos Guterres Lopes, anunsia liuhosi plenária, Parlamentu Nasionál, segunda ne’e.

Bazea ba Planu Asaun Anuál (livru 2) ne’ebé asina hosi Ministru Finansa, Fernanda Hanjam, fixa medida prinsipál sira hosi PCM mak kuida komunikasaun institusionál Governu nian, sei halo konfirmasaun ba Sosiedade Sivíl kona-ba atividade governamentál, promove sidadania no asegura monitorizasaun no akompaña entidade públikas ne’ebé tutela baPCM.

Media prinsipál daruak mak divulga atus (actos) ofisiál hodi fornese produtu no servisu iha setór públiku no privadu liuhosi Imprensa Nacional de Timor-Leste (INTL).

Media prinsipál datoluk mak apoia ba elaborasaun projetu inovasaun administrativa ba Governu Eletróniku.

Media prinsipál dahaat, halo tradusauna ba desizaun judisiál no dokumentu hodi halo divulgasaun lei sira konsulta públika nian.

Media prinsipál setoriál dalimak mak kontinua fó konsentrasaun atribuisaun hotu-hotu ne’ebé relasaun ho matéria reforma lejizlativa, prosesu lejizlativu no reforma administrativa.

Media prinsipál daneen, reforsa boa governasaun no jestaun institusionál iha PCM no servisu hotu ne’ebé depende ba ministériu refere, promove nesesária parseria no kapasita rekursu umanu.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here