Mozinho de Lima, avansadu AD. SLB Laulara, ne'ebé daudaun ne'e sai hanesan mellor markadór provizóriu iha Kopa FFTL. Imajen/Mídia FFTL

DILI, 05 outubru 2020 (TATOLI) – Avansadu AD. SLB Laulara, Mozinho de Lima (10), nu’udar mellor markadór provizóriu iha Kopa Federasaun Futeból Timor – Leste (FFTL) époka ne’e.

Totál golu ne’ebé jogadór ne’e prodús liuhosi joga dahaat maka hanesan, AD. SLB kontra Emanuel Fc, nia hatama golu-tolu (3), Lica-Lica Lemorai Fc, golu-lima (5), Boavista, golu-ida (1) no Kablaki, golu-ida (1), ho nune’e total golu ne’ebé Mozinho hatama hamutuk golu-10.

Nia kontente tanba bele hatama golu barak no ba oin sei haka’as aan atu hatudu nafatin jogu.

“Ha’u la haree ba hatama golu barak, maibé importante mak ami nia ekipa manán, maibé ha’u kontente bele hatama golu barak ba oin sei hatudu nafatin joga ne’ebé di’ak,” dehan Mozinho ba jornalista sira iha Estádiu Munisipál Dili, domingu ne’e.

Tuir Mozinho maka jogadór hosi Ponta Leste, Silveiro Garcia ho golu-sia  (9). Tanba ne’e iha kompetisaun tuir mai jogadór rua ne’e sei esforsu aan atu halo golu barak nune’e hodi buka mellor markadór.

Daudauk ne’e, Mozinho ho nia kolega sira lori ona SLB hakat ba oitavu finál hafoin manan nia adversáriu Lica-Lica Fc ho score 9-0 iha Estádiu Munisipál Dili, foin lalais ne’e.

Mellor markadór depois Mouzinho no Silveiro Garcia mak Anizio Correia hosi Ponta Leste ho golu-lima (5), Elias Mesquita hosi Lalenok United Fc,  Bonarudin Amin hosi Assalam Fc ho golu-haat (4) ho mós Jerimias Bsptista hosi AD SLB ho golu-haat (4)

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here