Primeiru-Ministru, Taur Matan Ruak, hamutuk ho membru Governu sira defende Proposta OJE 2020 iha debate faze Espesialidade, iha sala plenáriu. Imajen Tatoli/Egas Cristovão

DILI, 05 outubru 2020 (TATOLI)—VIII Governu Konsttitusionál lideradu Primiru-Ministru, Taur Matan Ruak, halo estimasaun reseita millaun $1.72,4 ba tinan fiskál 2020.

Dokumentu proposta-lei Orsamentu Jerál Estadu (OJE) ba 2020 ne’ebé Agência TATOLI asesu, ohin, estabelese reseita no despeza órgaun no administasaun sentrál nian hosi janeiru to’o dezembru 2020.

“Ho estimativa reseita ne’ebé kobra hosi órgaun no servisu Administrasaun Sentrál no Rejiaun Administrativa Espesiál Oecusse- Ambeno (RAEOA)  iha 2020 ho valór millaun $1,734,4,” dokumentu ne’e haktuir.

Nune’e mós reseita petrolífera ho valór millaun $963,9 ho orijen tranfrerénsia hosi fundu petrolíferu millaun $544,4 relativu ba transferénsia ekivalente ba valór hosi Rendimentu Sustentável Estimadu (RSE) no millaun $419,5 referente ba transferénsia superiór ba valór RSE.

“Estimativa reseita naun-petrolífera mak millaun $770,6 iha-ne’ebé millaun $165,0 korresponde ba (reseita tributária mak impostu direitu, indireitu no taxa) millaun $6,8 substitui ba reseita própria mak hanesan kobra hosi RAEOA no Fundu Autónomo, millaun $10,7 korresponde doasaun hosi Uniaun Europeia no Organizasaun Internasionál Traballu (ILO-sigla ingeles),”  dokumentu OJE 2020 ne’e esplika.

Aleinde millaun $0,5 hosi jurus millaun $527,6 hosi saldo jerénsia hosi tezouru no RAEOA, ikus, millaun $60 korresponde ba empréstimu.

Hosi millaun $ 527,6, millaun $274,2 korresponde ba saldo konta tezouru, iha-ne’ebé millaun $214,2 atu ba finansiamentu despeza, no millaun $60 la utiliza iha 2020, millaun $253,4 korresponde ba saldo RAEOA, iha-ne’ebé millaun $70 ba finansiamentu despeza no millaun $177,4 la utiliza iha 2020.

Hosi montante reseita ne’e mak sei finánsia despeza ho montante orsamentu biliaun $1.497,1, ne’ebé prevee ba saláriu no vensimentu millaun $206,7, bens (sasán) no servisu millaun $499,3, transferénsia públika millaun $568,7, kapitál minór millaun $8,9 no kapitál dezenvolvimentu millaun $213,4.

Jornalista: Evaristo Soares Martins

Editór: Cancio Ximenes

1 KOMENTÁRIU

HAKEREK NO HATÁN

Please enter your comment!
Please enter your name here