Pároku Parókia Santa Teresinha do Menino Jesus Quelicai, Justiniano de Sousa, SDB. Imajen TATOLI/Joanico de Araújo.

QUELICAI, 05 outubru 2020 (TATOLI)–Pároku Parókia Santa Teresinha do Menino Jesus Quelicai, Justiniano de Sousa, SDB, informa Governu liuhosi Ministériu Asuntu Kombatente Libertasaun Nasionál (MAKLN) apoiu orsamentu rihun $3 hodi halo konstrusaun monumentu no halo estátua Saudozu João de Deus Pires iha Parókia Quelicai.

Notísia Relevante: Don Basilio entrega sertifikadu akreditasaun ba eskultór José do Carmo

Monumentu memória Pe. João de Deus Pires, SDB. Imajen TATOLI/Joanico de Araújo.

“Konstrusaun saudozu Pe. João de Deus Pires, SDB, nia monument no estátua hetan mós apoiu hosi Governu liuhosi Ministériu Asuntu Kombatente Libertasaun Nasionál (MAKLN) ho montante orsamentu hamutuk rihun $3,” Pároku Parókia Santa Teresinha Quelicai, Justiniano de Sousa, SDB, informa ba Agência TATOLI iha nia rezidénsia Postu Administratvu Quelicai, Munisípiu Baucau, sabadu (03/10/2020) ne’e.

Apoiu ida-ne’e, Amu Justiiano hateten, Governu bele fó tanba bainhira komisaun organizadora haruka proposta ba Dirasaun Antigu Kombatente Libertasaun Nasionál atu haree tanba durante amu João de Deus Pires sei moris ne’e, dalabarak involve no ninia partisipasaun másimu ba prosesu luta ba libertasaun nasionál no prosesu Timor-Leste nia ukun rasik-aan.

“Ita-nia amu João de Deus mós partisipa iha luta ba libertasaun nasional no partisipa iha prosesu Timor-Ldste ukun rasik-aan nian. Tanba ne’e, ita-nia Governu no Estadu Timor-Leste mós kondekora nia, ne’ebé liga mós ba libertasaun nasionál nian,” amu Justiniano hateten.

Aleinde ida-ne’e, Pároku Parókia Santa Teresinha do Menino Jesus Quelicai ne’e hatete, amu João de Deus Pires, SDB, nia alunu sira ne’ebé oras-ne’e hela iha Portugal mós fó apoiu orsamentu hamutuk rihun $3 atu konstrui monument refere.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here