Diretór Verifikasaun no Lisensa Liga Futeból Timor - Leste (LFTL), José Carvalho. Imajen Tatoli/Dok

DILI, 05 outubru 2020 (TATOLI) – Diretór Verifikasaun no Lisensa Liga Futeból Timor – Leste (LFTL), José Carvalho, informa,  époka ne’e (2020) Liga Futeból Timor-Leste (LFTL) sei la realiza liga tanba situasaun.

“Tinan ida ne’e ita sei la realiza liga tanba ita hotu hatene katak hasoru problema barak, entaun liga labele hala’o,” hateten José  Carvalho ba jornalista, ohin, liuhosi konferénsia imprensa ne’ebé hala’o iha edifísiu LFTL, Bairru Formosa, Dili.

Liga Futebol Timor-Leste ne’e hala’o durante époka dahaat ona ne’ebé hetan suporta masimu hosi governu liuhosi Sekretaria Estadu Juventude no Desportu (SEJD) no Federasaun Futeból Timor -Leste (FFTL) no patrosinadór sira hanesan, Heineken, Bintang, Gota, Eto+ no seluk tan. Maibé, iha époka dalima sei labele hala’o tanba problema ne’ebé  ema hotu enfrenta mak propagasaun surtu COVID-19 no situasaun orsamentu Estadu ne’ebé kontinua moris ho Dotasaun Orsamentu Temporáriu (DOT). Alende ne’e,  José Carvalho informa, haree mós ba kestaun tempu hela de’it fulan-rua hodi termina ona 2020, ho nune’e, LFTL deside realiza fali liga iha 2021.

Jornalista   : Hortencio Sanchez

Editór        : Francisco Simões

 

HAKEREK NO HATÁN

Please enter your comment!
Please enter your name here