Diretór ONG Belun, Luis da Costa Ximenes. Imajen/Rttl.ep

DILI, 05 outobru 2020 (TATOLI)-NGO BELUN ho Internasional Bussines and Technical Consultants Inc, (IBTCI) husi Estadu Unidus Amérika daudaun ne’e estabelese ona kooperasaun ida hodi implementa programa sensu eskolár atu foti dadus ba eskola Ensinu Sekundáriu Jerál no Tékniku Vokasionál (ESGTV) 165 iha territóriu Timor-Leste.

Diretór Organizasaun Naun Govermentál (ONG) BELUN, Luis Ximenes, informa asuntu ne’e, durante fó formasaun ba numeradór hamutuk na’in 20 iha Sentru Nasionál Chega Balide, segunda ne’e.

Numeradór  na’in 20 ne’e, maka sei destaka bá Munisípiu 12 inklui Rejiaun Administrativa Espesiál Oé-Cusse Ambeno (RAEOA) hodi rekolla dadus to’o iha fin fulan-outobru 2020.

“Iha fulan ida ne’e ita sei realiza sensu eskolár hodi foti dadus ba manorin sira iha eskola ESGTV tanba planu ba futuru ita-nia Governu sei estabelese Sentru Siénsia Formasaun  ida ba manorin sira liuhusi planu estratéjiku dezenvolvimentu kona-ba abilidade manorin sira nian,” dehan nia.

Sensu eskolár ne’e atu hetan dadus loloos kona-ba kondisaun riil ne’ebé akontese iha eskola sekundáriu no tékniku vokasionál sira.

“Ita sei foti dadus sira ne’e nu’udar pakote ida ne’ebé sei haree liuba kondisaun  riil, kona-ba kapasitasaun no ambiente eskolár inklui mós sei forñese peskiza ida ba manorin sira atu prienxe ligadu ho sira-nia profisaun nu’udar manorin ligadu ho progresu no dezafiu saida mak sira enfrenta,”katak nia.

Jornalista : Tomé Amado

Editór :Agapito dos Santos

HAKEREK NO HATÁN

Please enter your comment!
Please enter your name here