Primeiru-Ministru, Taur Matan Ruak, hamutuk ho membru Governu sira defende Proposta OJE 2020 iha debate faze Espesialidade, iha sala plenáriu. Imajen Tatoli/Egas Cristovão

DILI, 05 outubru 2020 (TATOLI)–Parlamentu Nasionál (PN) aprova ona orsamentu 2020 ba Ministériu Finansa (MF) iha espesialidade ho votu afavor 42, kontra 0, no abstensaun 21.

Iha Proposta Orsamentu Jerál Estadu (OJE) 2020 aloka ba MF hamutuk millaun $16,313 ne’ebé maka aloka ba saláriu no vensimentu millaun $3,514, bens no servisu millaun $12,977, kapital menór $22.000, transferénsia públika 0, no kapitál dezenvolvimentu 0.

Hosi orsamentu ne’e aloka ba gabinete ezekutivu hamutuk $37.000, diresaun jerál no jestaun mobilizasaun rekursu esternu $11.000, diresaun nasionál jestaun efikásia no mobilizasaun ajuda esterna $47.000, unidade parseria públika no privada $740.000, unidade polítika mobilizasaun no emprestimu $215.000, diresaun jerál pleneamentu no orsamentu $56.000, diresaun nasionál polítika ekonomika $62.000, diresaun nasionál pleneamentu $3.000, diresaun nasionál orsamentu $147.000, diresaun jerál tezouru $30.000, diresaun nasionál kontabilidade normalizasaun kontabilistika $50.000, diresaun nasionál pagamentu no administrasaun dotasaun todu Governu $271.000.

Diresaun nasionál  monitorizasaun desentralizasaun finanseira $22.000, unidade jestaun partisipasaun públika $2.000, diresaun jerál jestaun patrimóniu Estadu $218.000, diresaun nasionál inventáriu no jestaun bens movél  $2.000, diresaun nasionál no monitorizasaun no dezentralizasaun no inspesaun  $2.000, diresaun nasionál aliñasaun moves $2.000, diresaun jerál estatístika $99.000, diresaun nasionál meterolojia no rekolla dadus $56.000, diresaun nasionál estatístika ekonómika no sosiál $98.000, diresaun nasionál sistema no relatóriu $59.000, diresaun nasionál kartografia estatístika $22.000.

Unidade munisipál estatístika ba munisipál sira $146.000, diresaun jerál servisu korporativu $21.000, diresaun nasionál rekursu umanu $46.000, diresaun nasionál planeamentu orsamentu no avaliasaun dezempeñu $20.000, diresaun nasionál aprovizionamentu $39.000, diresaun nasionál administrasaun jestaun kontratu $44.000, diresaun nasionál lojístika, manutensaun no jestaun patrimóniu Estadu $102.000, unidade finansa ba jestaun apoiu esternu ministériu finansa millaun $9,239, unidade administradaun fundu petrolíferu $3.000, unidade polítika reforma no kapasitasaun ein jestaun finansa públika millaun $1,296, unidade sistema integradu informasaun no jestaun finanseira $63.000.

Gabinete inspesaun jerál $22.000, gabinete apoiu jurídiku $8.000, gabinete aduaneira millaun $1,103, gabinete autoridade tributária $561.000, komisaun nasionál aprovizionamentu (CNA, sigla portugés) millaun $1,450.

Ba orsamentu MF, iha proposta rua, ida proposta hosi deputadu opozisaun atu diminui montante $13.000 hosi kategoria despeza bens no servisu iha unidade finansa no jestaun apoiu esternu MF no ba CNA alokadu ba viajen estranjeiru ho razaun tempu ba ezekusaun ne’e limitadu no ho situasaun pandemia COVID-19 la permite atu halo viajem ba estranjeiru.

Vise-Ministra Finansa, Sara Lobo Brites, hateten kona-ba proposta atu halo redusaun ba unidade finansa apoiu esternu no mós CNA ne’ebé maka relativamente ho viajen estranjeriu.

“Viajen estranjeiru ne’e akontese ona iha janeiru 2020 tanba ne’e maka presiza atu aloka, nune’e enkuadra tiha iha aprovasaun orsamentu nian no kobre tiha dívida ne’ebé mak akontese tiha ona,” esplika governante ne’e.

Maski nune’e, hafoin mosu diskusaun no hetan esplikasaun hosi Governu ikus mai proponente sira retira sira-nia proposta.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here