Filipe da Costa. Imajen/Egas Cristóvão

QUELICAI, 04 outubru 2020 (TATOLI)—Koordendór Gabinete Sosiedade Sivíl (GASS), Filipe da Costa hatete GASS labele halo kontribuisaun tanba durante uza Dotasaun Orsamentál Temporária (DOT) nian entaun regra hosi DOT ne’e labele halo atribuisaun foun maibé halo de’it atribuisaun kontinuasaun.

“Ita labele halo atribuisaun foun maibé ita só kontinua de’it atribuisaun kontinuasaun tanba ne’e mak ami labele apoiu ba eventu selebrasaun inagurasaun saudozu Pe. João de Deus Pires nian,” dehan Koordendór GASS, Filipe da Costa, ba Agência TATOLI iha Postu Administrativu Quelicai, Munisípiu Baucau, sábadu ne’e.

Notísia Relevante: Eskultór Zeca: “Saudozu João de Deus mak promove ha’u”

Nia dehan, maske iha limitasaun no regra DOT maib GASS la simu pedidu ruma hosi komisaun organizadora ba inaugurasaun monumentu saudozu Pe. João de Deus nian iha parókia Santa Teresinha do Menino Jesus Quelicai.

“Ami la simu pedidu ruma hosi komisaun organizadora ba eventu serimónia selebrasaun mahein Santa Teresinha do Menino Jesus no inagurasaun monumentu memória saudoszu Pe. João de Deus Pires, SDB maibé komisaun organizadora simu de’it kontribuisaun hosi família sira ne’ebé halo parte ka ligasaun emosionál ho amu João de Deus,” nia esplika.

Tanba ne’e mak nu’udar Quelicai oan no hanesan membru hosi funsionáriu Gabinete Apoiu Sosiedade Sivíl (GASS) halo kontribuisaun pesoál tuir ida-idak nia kbiit ka kapasidade ne’ebé mak iha.

“Ha’u nu’udar Quelicai oan halo kontribuisaun ba ami-nia aman, ami-nia maun nia sakrifísiu, dedikasaun, moral, domin tomak ne’ebé durante ne’e habelar no husik hela mai ami. Tanba ne’e, mai ha’u pesoál no hanesan funsionáriu GASS halo de’it kontribuisaun pesoál ba ita-nia serimónia selebrasaun ba inagurasaun Pe. João de Deus Pires nian ne’e,” nia dehan.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here