Magnífiku Reitór Universidade da Paz (UNPAZ), Adolmando Amaral. Imajen Tatoli/Eugénio Pereira

DILI, 03 outobru 2020 (TATOLI)-Magnífiku Reitór Universidade da Paz (UNPAZ), Adolmando Amaral, hateten atu rekopera ekonomia nasaun nian, setór privadu iha papel importante hodi tulun Governu no Estadu atu dezenvolve nasaun ne’e.

Adolmando hato’o asuntu ne’e durante semináriu nasionál ne’ebé realiza iha UNPAZ sábadu ne’e, ho tema “Dezempeñu VIII Governu Konstitusionál ba iha Dezenvolvimentu Nasionál”.

Nia dehan atu rekopera ekonomia iha rai-laran setór privadu tenki organizadu no hanoin ona atu investe hodi hasa’e produsaun rai-laran duke dependensia beibeik ba importansaun estranjeiru.

Tuir nia katak: “Ita sei konsumu hela aquase ho agua maibé ralidade ita iha ona Gota, Iramor no Bee mor,  se ita hotu hakarak halo rekoperasaun ekonomia, ita tenki transforma mentalidade  hodi loyal ba produtu lokál atu minimiza neineik produtu importasaun,” katak nia.

Jornalista : Tomé Amado 

Editór :Agapito dos Santos

HAKEREK NO HATÁN

Please enter your comment!
Please enter your name here