Juis Administradór Tribunal Distritál Dili (TDD), Afonso Carmona. Imajen/Dok. Tatoli

DILI, 02 outubru 2020 (TATOLI)-Juis Administradór Tribunál Distritál Dili (TDD), Afonso Carmona, hateten, Tribunál durante ne’e hatún desizaun ba kazu violénsia doméstika (VD) tuir de’it regra prosesuál no la’ós tuir juis nia hakarak.

Notísia Relevante : PNTL rejista kazu violénsia doméstika 449

Afonso Carmona hato’o lia hirak ne’e hodi responde preokupasaun públiku ligadu desizaun ba kazu VD ne’ebé dala balun Tribunál foti desizaun  la refleta ba sirkunstánsia ne’ebé mak akontese.

Nia dehan, desizaun ba kazu violénsia doméstika ho forma hanesan; ofensa simples, maus tratus no sira seluk tan Tribunál halo tuir regra prosesuál, la’ós tuir juis sira-nia hakarak rasik.

“Tribunál kuandu halo desizaun ba kazu sira no aplika pena konforme provas,” afirma Afonso Carmona ba jornalista, ohin, iha nia kna’ar fatin Mandarin, Dili.

Nia hateten, iha produsaun prova iha julgamentu sira prova adekuadu hosi sirkunstánsia ne’ebé iha Tribunal aplika tuir ida ne’e, no dala-barak Tribunál sempre aplika pena suspensaun ba arguidu sira ho adekuadu.

Iha lei penal ba krime ho forma hirak ne’e ho moldura penal hosi loron 30 too tinan-tolu iha prizaun ka selu multa.

TDD koloka juiz na’in-10 akompaña ka’er prosesu hodi bele atende julgamentu kazu ho natureza violénsia doméstika ne’ebé imparsiál ba ema hotu tuir lei.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here