Prezidente Repúblika, Francisco Guterres Lú Olo. Imajen TATOLI/António Gonçalves

DILI, 01 outubru 2020 (TATOLI)—Prezidente Repúblika (PR), Francisco Guterres ‘Lú Olo’, reprezenta Povu Timor-Leste hato’o felisitasaun ba Prezidente Xi Jingpin no Povu Xinés iha okaziaun Loron Nasionál Repúblika Popular Xina, ne’ebé monu 01 outubru.

Prezidente Repúblika uza oportunidade ne’e agradese apoiu hotu-hotu ne’ebé Governu Xinés oferese ba Timor-Leste, dezde inísiu pandemia COVID-19 ho materiál no ekipamentu.

“Ami hasoru hela periódu ida ho dezafiu boot sira, maibé ha’u fiar katak ho relasaun exelente iha kooperasaun bilaterál entre ita-nia país sira no reforsa atuasaun multilaterál, ita sei hakat liu buat aat ne’e,” Prezidente Repúblika informa liuhosi komunikadu impensa ne’ebé Agência TATOLI asesu hosi mídia Palásiu Prezidensiál, kinta ne’e.

Repúblika Populár Xina restaura iha loron 01 outubru iha tinan 1949 ho serimónia iha kampu Tiananmen, Beijing. Loron nasionál Repúblika Populár Xina to’o 01 outubro 2020 halo ona tinan 71.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here