Responsavél Moras La Hada’et iha Munisípiu Ermera, Edinha da Cruz.Imajen/Felicidade Ximenes.

DILI, 02 outobru (TATOLI)-Responsavél Moras La Hada’et iha Munisípiu Ermera, Edinha da Cruz, hateten implementasaun programa pakote esensiál moras la hada’et iha Munisípiu Ermera la’o di’ak tebes.

Iha Gleno Ermera, profisiál saúde sira komesa implementa programa ne’e iha tinan 2018, maibé paradu tiha durante fulan barak, no iha fulan-juñu 2020 maka re-ativa filafali.

Notísia Relevante :MS avalia programa pakote esensiál moras la hada’et

”Entaun ami iha sentru saúde Gleno ne’e programa ne’e ajuda tebes ami hodi halo rejistu ba ema sira ne’ebé mak mai ho moras la hada’et nian hodi halo ami follow up ba pasiente ne’ebé mak moras la hada’et,’’ dehan nia ba jornalista iha JL Villa Dili, sesta ne’e.

Nia hateten programa ne’e ajuda tebes profisionál saúde sira hodi halo tratamentu saúde ba pasiente liliu aimoruk esensiál sira atu halo prevensaun ba moras la hada’et sira hanesan kurasaun stroke, diabetes no seluk tan.

“Iha fulan-setembru nia laran iha pasiente lubuk ida ne’ebé mak ami kontrola ona sira ne’e di’ak tebes, ami iha pasiente 39 ne’ebé mak foun no sira tuan ne’e 105 ba sira ne’ebé kontroladu ona mak pasiente hamutuk 77 halo tratamentu ho di’ak,” katak nia.

Notísia Relevante :MS Sei Implementa Pakote Esensiál Moras La Hada’et ba Munisípiu Neen

Jornalista : Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here