Prezidente Repúblika, Francisco Guterres 'Lú Olo'. Imajen Tatoli/António Gonçalves

DILI, 01 outubru 2020 (TATOLI)–Prezidente Repúblika (PR), Francisco Guterres ‘Lú Olo, reprezenta povu Timor-Leste, felisita selebrasaun aniversáriu independénsia ba dala-47.

“Hato’o felisitasaun  no votu prosperiedade no pás ba povu Guiné-Bissau,”  refere nota ne’ebé Agência Tatoli asesu iha kinta ne’e.

País afrikanu ne’e hetan independénsia iha 24 setembru 1973, liuhosi luta naruk ida hosi Partido Africano da Independência da Guiné e Cabo Verde (PAIGC) ne’ebé lideradu hosi Amílcar Cabral, hatene hametin povu nian unidade ba objetivu komun.

“Bainhira ami luta namanas hela ba libertasaun nasionál, ita-nia asaun sai motivu no inspirasaun ba país seluk,” PR Lú Olo subliña.

Prezidente Repúblika akompaña nafatin prosesu iha Guiné-Bissau ne’ebé hahú dezenvolvidu no hetan susesu.

“Timor-Leste nia luta ba ukun rasik-an hetan influénsia maka’as husi movimentu libertasaun nasionál Guiné-Bissau, liuliu ho pensamentu polítiku Amilcar Cabral ninian,” nia akresenta.

Jornalista: Osória Marques

Editora: Cancio Ximenes

HAKEREK NO HATÁN

Please enter your comment!
Please enter your name here