Edifísiu MSSI. Imajen/dok.rttl.ep

DILI, 01 outubru 2020 (TATOLI)—Ministériu Solidariedade Sosiál no Inkluzaun (MSSI) fó prioridade ba medida prinsipál sia (9) hodi garante governasaun di’ak (boa governasaun) iha 2020.

Bazeia ba Planu Aasaun anuál (livru 2), prioridade governasaun hosi MSSI mak bem-estar sosiál, protesaun sosiál, sidadania, inkluzaun, protesaun no dolidariedade sosiál (feto no labarik, grupu terseira idade, ema ho defisiénsia no vulnerável sira).

Hosi prioridade governasaun ne’e hamosu medida prinsipál setór hosi MSSI hamutuk sia (9) iha tinan 2020.

“Media prinsipál dahuluk mak instala no asegura  jestaun di’ak no fortalese sistema integradu protesaun sosiál, medida prinsipál daruak mak dezenvole inisiativa sira kona-ba asisténsia sosiál, datoluk promove no proteje direitu labarik sira,” Agência TATOLI, asesu medida prinsipál hirak ne’e liuhosi programa asaun anuál governu nian, kinta ne’e.

Medida prinsiál dahaat no dalima mak kontribui kombate HIV/SIDA, promove reabilitatsaun sosiál ba akonsellamentu no rekuperasaun.

Medida prinsipál daneen mak asegura atendimentu ho kualidade ba sidadaun sira iha situasaun vulnerabilidade sosiál liuhosi implementasaun polítika protesaun sosiál, asisténsia sosiál, reabilitasaun no seguransa sosiál tantu nível nasionál no munisipál.

Medida prinsipál dahitu no daualu mak promove inisiativa reinsersaun, inkluzaun komunitária no implementa polítika jéneru.

Medida prinsipál setoriál ikus liu hosi MSSI iha tinan 2020 mak promove governasaun di’ak, jestaun institusionál iha servisu tomak ministériu nian, fortalese instituisaun no eleva kapasidade rekursu umanu.

Hosi medida prinsipál sia (9) iha tinan 2020 ne’e, Ministériu Solidariedade Sosial no Inkluzaun prevé orsamentu $59,286,030 inklui  montante $44,514,756 ba Institutu Nasionál Seguransa Sosiál (INSS), ne’ebé dezenvolve liuhosi transferénsia públika.

Hosi montante orsamentu $59,286,030 ne’e fahe ba saláriu no vensimentu $1,594,154, bens (sasán) no servisu $3,398,129, transferénsia públika $54,293,747. Purtantu MSSI iha 2020 laiha kapitál minór no kapitál dezenvolvimentu.

Hosi montante orsamentu $59,286,030 ne’e MSSI ezekuta ona balun hahú hosi janeiru to’o setembru. Entretantu resta orsamentu sei hahú ezekuta hahú hosi outubru, novembru no dezembru tinan 2020.

 Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here