Arguidu ba kazu hana iha Aimutin, Comoro, Dili. Imajen Tatoli/Nelson de Sousa

DILI, 01 outubru 2020 (TATOLI)-Tribunál Distritál Dili (TDD),ohin, liuhosi julgamentu primeiru interrogatóriu, aplika prizaun preventiva ba arguidu ho inisiál JD tanba iha indísiu forte iha envolvimentu hodi  ‘rama ambon’ hana kanek vítima Agostinho da Silva iha area Aimutin, Suku Comoro, Postu Administrativu Don Aleixo, Munisípiu Dili, foin lalais ne’e.

Notísia Relevante : Lori Rama Ambon, Tribunal Aplika Prizaun Preventiva

Kazu  ne’e deskonfia envolve hosi arguidu na’in rua, maibé iha fulan kotuk  parte autoridade seguransa kaptura uluk arguidu ida seluk no submete ba TDD deside aplika prizaun preventiva no arguidu JD iha loron hirak liubá foin kaptura hodi kumpre detensaun iha sela polísia durante oras 72.

Tuir faktu ne’ebé aprezenta hosi Ministériu Públiku katak, arguidu JD ho nia maluk ne’ebé antes ne’e kumpre hela iha prizaun preventiva, hamutuk  mak hana vítima ida iha area Aimutin, Dili, nune’e MP promove arguidu JD ho krime tentativu omisídiu

Defeza Eustáquio Guterres ne’ebé fó asisténsia ba arguidu hateten, medida koasaun ne’e la adekuadu tanba ne’e iha alegasaun nia parte husu aprezentasaun periódika.

“Tanba tuir deklarasaun arguidu nian iha momentu akontesimentu nia rasik laiha fatin akontesimentu presiza identifikasaun hafoin determina, envolve duni iha kazu ne’e ka la’e,” Eustáquio Guterres argumenta. Ho nune’e, dentru loron 15 defeza sei halo rekursu hasoru desizaun TDD nian.

Audiénsia julgamentu ne’e prezide hosi Juiz singular Argentinho Nunes no Ministériu Públiku reprezenta hosi Prokuradór Alfelo Morreira.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here