Bandera membru CPLP

DILI, 01 outobru 2020 (TATOLI)-Diretór Interinu CPLP (Comunidade dos Países da Língua Portuguesa), husi Ministériu Negósiu Estranjeiru no Kooperasaun (MNEK), Avelino Pereira,  informa, nasaun membru sira tenki kontribui osan ba funsionamentu Sekretariadu CPLP iha Lisboa Portugal,  tanba ne’e,  kada tinan Timor-Leste tenki kontribui rihun  € 204-resin.

“Kada tinan Estadu membru hotu obrigatóriu fó kontribuisaun ba Sekretariádu CPLP nian para bele funsiona, ita Timor-Leste mós tama hotu iha laran, kada tinan ita kontribui hamutuk  € 204 mil ital,” dehan nia ba Tatoli, iha edifísiu MNEK, Praia dos Coqeiros, kinta ne’e.

Ba 2020 nian, husi parte Timor-Leste seidauk kontribui relasiona ho utilizasaun Dotasaun Orsamentu Temporariu (DOT) hodi afeta ba kontribuisaun ne’e.

“Kona-ba kontribuisaun ne’e, iha nasaun balun seidauk hatama hotu kada tinan, ita tama kompletu maibé 2020 ne’e ita la’o ho doudesimu entaun ita seidauk hatama, espera katak orsamentu 2020 nia aprova agora ita bele hatama kedan ita nian,” katak nia.

Nasaun membru sira ho ninia kontribuisaun ho valór diferente, tanba ne’e husi parte Timor-Leste nian kada tinan rihun € 204.

Jornalista: Hortencio Sanchez

Editór : Agapito dos Santos

HAKEREK NO HATÁN

Please enter your comment!
Please enter your name here