Osan Dolar Amerikanu. Imajen/Google

DILI, 01 outobru 2020 (TATOLI)-Diretór Nasionál Asaun Eskolár (DNASE), Ministériu Edukasaun Juventu no Desportu (MEJD), Joaquim Martins, hateten sei uza tetu fiskál 2021 nian ho kuidadu ba programa importante sira tanba hasoru limitasaun iha orsamentu.

Tuir tetu fiskál 2021 ne’ebé maka aloka ba diresaun ne’e hamutuk 204.096, tanba ne’e, diresaun ne’e sei uza de’it ba programa importante lima hanesan refresaun eskolár, desportu eskolár, saúde eskolár apoiu materiál emerjénsia ba eskola sira ne’ebé mak afetadu ba inundasaun no seluk tan.

Notísia Relevante:MEJD prevee millaun $ 68-resin ba OJE 2020

“Ami hatene katak baseia ba orsamentu ne’ebé limitadu ami sei labele halo buat ida maibé ami sei esforsu nafatin atu bele implementa orsamentu ne’e tuir programa sira ne’ebé ami planu ona ho di’ak no kuidadu,” dehan nia ba jornalista sira, iha salaun Ian Martin INFORDEPE, Matadouro, kinta ne’e.

Kona-ba orsamentu ba programa refresaun eskolár nian, nia dehan baseia ba lei deskonsentrasaun munisipál submete ona programa ne’e ba iha orsamentu Ministériu Administrasaun Estatál nian.

Maibé politikamente DNASE sei kontinua halo monitorizasaun no avaliasaun ba programa ne’e hodi garante kualidade iha ninia implementasaun.

Entretantu, ba 2020, Ministériu Edukasaun Juventude no Desportu (MEJD) prevee orsamentu hamutuk millaun $ 68.332.

Husi totál tetu fiskál ne’e fahe ba kategoria salariu Vensimentu $59,341,349, bens  no servisu $7.611,967, Kapitál Menór $283,500 no Transferénsia Públika $1.095,604.

Notísia Relevante:Armindo Maia Planea Reabilita Sala Eskola 1.500

Jornalista: Tome Amado

Editór : Agapito dos Santos

HAKEREK NO HATÁN

Please enter your comment!
Please enter your name here