Ministra Negósiu Estranjeiru no Kooperasaun, adalgiza Albertina Xavier Magno. Imajen/Antonio Goncalves

DILI, 29 setembru 2020 (TATOLI)-Ministra Negósiu Estranjeiru no Kooperasaun (MNEK), Adaljiza Magno, foinlalais ne’e aprezenta asuntu COVID-19 iha enkontru entre nasaun Least Developed Countries (LDCs), ne’ebé hala’o ho meius virtual ka telekonferénsia.

Iha enkontru ne’e reprezentante husi membru LDCs diskute kona-ba dezafiu komún hanesan mudansa klimátika, rekursu finansia limitadu, instabilidade ekonómiku no distribuisaun iha atividade komérsiu no lukru ho problema sosiál seluk hodi atinje dezenvolvimentu sustentavel iha tinan 2030.

Sorumutuk ne’e hala’o ho modelu telekonferénsia ne’ebé partisipa hosi nasaun Estadu membru sira hamutuk 32 mak hato’o sira nia deklarasaun.

Husi Timor-Leste aprezenta kona-ba situasaun COVID-19  liliu medida sira ne’ebé Governu halo hodi responde ba pandemia refere.

“Iha parte ha’at ne’ebé mak presiza tau prioridade iha LDCs hanesan rekoñesimentu kona-ba LDCs nian presiza especiál, respeitu ba komitmentu ne’ebé hatuur iha Paris Agreement, promosaun investimentu no assesu komersiu ba LDCs nune’e mós importansia hosi “the United Nations Project on New Assistance Measures for Graduating Countries towards the Achievement of Agenda 2030/ Projetu hosi Nasaun Unidu nian kona-ba asisténsia foun ba medida sira ba Nasaun Graduadu sira atu atinje ajenda 2030,” deklarasaun Ministra Magno iha enkontru ne’e liuhosi komunikadu ne’ebé Tatoli asesu, tersa ne’e.

Nasaun membru LDCs kompostu husi Afganistaun, Bhutan, Burkina, Burundi, Haiti, Malawi, Mali, Nepál, Nigéria, Ruanda, Somalia, Sudaun, Uganda, Repúblika Tanzania no seluk tan.

Jornalista: Hortencio Sanchez

Editór :Agapito dos Santos

HAKEREK NO HATÁN

Please enter your comment!
Please enter your name here