DILI, 30 setembru 2020 (TATOLI)–Ministru Defeza (MD), Filomeno da Paixão de Jesus, kontinua atualiza opsaun polítika-lejizlativa liuhosi projetu dekretu-lei rua kona-ba estatutu orgániku FALINTIL-Forsa Defeza Timor-Leste (F-FDTL) no estabelesimentu unidade FALINTIL.
Aprezentasaun ne’e liuhosi reuniaun Konsellu Ministru maibé ezekutivu sira foin analiza diploma rua ne’e, seidauk iha desizaun finál no sei aprezenta iha reuniaun tuir mai.
“Ohin foin halo aprezentasaun ida kona-ba opsaun polítika–lejizlativa, ne’ebé proposta loloos sei mai iha tempu oin no sei submete ba Prezidénsia Konsellu Ministru. Hafoin submisaun maka halo sirkulasaun hosi hetan nota hosi ministériu sira,” hateten Ministru Prezidénsia Konsellu Ministru, Fidelis Manuel Leite Magalhães, hafoin reuniaun ezekutivu, iha Palásiu Governu, kuarta ne’e.
Notísia Relevante: Reuniaun KM: MD atualiza polítika-lejizlativa rejime remuneratóriu F-FDTL no estatutu
Reuniaun KM iha semana kontuk, MD aprezenta polítika-lejizlativa kona-ba rejime remuneratóriu ba F-FDTL no regulamentu kona-ba lei servisu militár.
Jornalista: Antónia Gusmão
Editora: Julia Chatarina
