Diretór IDN-TL Capitão – de Mar- e Guerra, Donaciano Costa Gomes “Pedro Klamar Fuik”. Imajen/IDN-TL

DILI, 30 setembru 2020 (TATOLI)- Diretór Institutu Defeza Nasionál Timor-Leste (IDN-TL), Kapitão–De-Mar-e-Guerra, Donaciano Costa Gomes “Pedro Klamar Fuik”, kontinua partilla matéria estratéjiku ba alunu alunu Kursu Promosaun Ofisiál ba turma (V) 5o (CPOS) na’in-28.

Notísia Relevante : IDN-TL Fó Formasaun Ba Kargu Xefia Na’in-150 Kona-ba Governansa no Lideransa Estratéjiku

Alunu CPOS na’in-28 ne’e kompostu husi deviza kapitaun F-FDTL 20 no Inspetór Xefe na’in-ualu husi PNTL, durante semana rua, sei hetan matéria Unidade Kurrikulár Estratéjika husi  Diretór IDN,  “ Pedro Klamar Fuik ” iha auditoria Pateo, Dili.

Aula ba matéria Unidade Kurrikulár Estratéjika ne’ebé aprezenta hosi  Diretór IDN,  Pedro Klamar Fuik, hahú iha loron 28 setembru sei termina iha loron 12 outubru  2020.

Diretór Nasional Akademia IDN, Guilherme Soares,   liuhosi karta komunikadu informa,   matéria unidade kurrikulár estratéjika ba alunu 5o CPOS ne’e enkuadra iha komponente formasaun 3ª nian módulu  konjunta no integradu antes sira hetan ona módulu baze no espesifika ba komponente militár no polisiál.

Objetivu hosi modulo konjunta integradu ne’e, atu aprofunda metodolojia no kompeténsia iha analiza no iha ámbitu estudu estratéjiku. Promove sensibilizasaun no formasaun iha kuadru intermediu no superiór hosi estrutura estadu hodi intervir iha kestaun sira relasiona ho kontestu jeopolítiku no jeoestratéjika.

Nia hatutan, iha fomenta koñesimentu sientífiku hodi proporsionál instrumentu hosi analiza ba metodolojia nesesáriu hodi avalia, jere no foti desizaun ba dezafiu sira mak enkuadra iha asuntu seguransa internasionál no defeza no seguransa, liuhosi kooperasaun internasionál, globalizasaun no liuhosi kontestu jeopolítiku no jeoestratéjika iha konfigurasaun ba podér mundiál, liu-liu iha prosesu desizaun estratéjika ne’ebé enkuadra iha asuntu defeza no seguransa.

“Agora tempu ba alunu 5o  CPOS  hodi aprende unidade kurrikulár ida ne’e, nune’e sira iha doutrina no hanoin ida de’it entre sira ho diretór jerál ho nasionál sira, xefe suku, para sira iha nivel koñesimentu ida hanesan, iha kursu formasaun lideransa ba interese nasionál,”  dehan Diretór Guilherme.

Asesór IT iha IDN ne’e mós hatutan, alunu 5o  CPOS  sira hanesan ofisiál superiór sira ema ida iha nivel aprende ona estratéjika hodi fasilita sira hala’o nivel planeamentu bolu naran kursu lideransa, tanba sira mós hola parte atu sai lider, nune’e sira tenke aprende matéria disiplina estratéjika.

Kursu  Pos-graduasaun estudu estratéjiku no Reziliénsia Nasionál (PGEERN)  iha módulu estratéjiku ne’e dirijente sira sei hetan módulu tolu, dahuluk módulu prosesu no reziliénsia nasionál, daruak módulu persesaun seguransa no defeza nasionál no datolu módulu jestaun estratéjika. Iha   13 unidade kurrikulár ne’ebé se fó hosi dosente IDN-TL ho esperiénsia elevadu e rekoñesimentu internasionál.

Unidade kurikular ne’ebé alunu sira sei hetan mak hanesan, lideransa estratéjika, prosesu konstrusaun estadu no nasaun, jeopolítika, jeoestratéjika, jeoekonomia, estratéjia ba dezenvolvimentu nasionál, planeamentu ba jestaun estratéjika, interese nasionál, fronteira marítima, ameasa seguransa no defeza nasionál, atores e konflitu internasionál, sosiedade sivíl partisipativu, informasaun teknolojia , informasaun estratéjika no métodu investigasaun estratéjika.

“Nia objetivu prinsipál mak hanesan, sensibiliza ba alunu sira no risku no ameasa ne’ebé koloka iha seguransa no defeza, promove partilla koñesimentu ba jestaun krize, forma hodi abilita partisipasaun iha forma kualifikadu no apoiu iha prosesu foti desizaun,” nia hatete.

Dezenvolve kapasidade analítika ne’ebé poténsia através hosi sensibiliza ba konseitu foun no metodolojia, ba dezenvolvimentu estratéjia organizasaun mais efikásia iha kombate hasoru ameasa foun.

Promove formasaun ba kultura estratéjika, forma potensiál ba dezenvolvimentu kompeténsia sientífika no profisionais, promove estudu investigasaun sientífika iha domíniu estratéjia hosi defeza no seguransa hanesan mós domíniu sira seluk.

Alunu 5o  CPOS 28 hahú formasaun iha IDN-TL hahú iha Fevreiru 2020, no tuir kalendáriu sei finaliza iha fevreiru 2021.

Jornalista       : Eugénio Pereira

Editór             : Francisco Simões

HAKEREK NO HATÁN

Please enter your comment!
Please enter your name here