Ministru Obra Públika, Salvador Eugênio Soares dos Reis Pires. Imajen Tatoli/Egas Cristovão

DILI, 30 setembru 2020 (TATOLI)-Ministériu Obra Públika (MOP) hamutuk ho Eletricidade de Timor-Leste, Empreza Públika (EDTL,EP) sei define kontratu ho Timor Gás no Petróleu, Empreza Públika (Timor GAP, E.P) hodi fornese kombustível ba sentrál elétrika Hera no Betano.

“Ami sei define kotratu maibé prosedimentu sei hanesan, kona-ba kestaun administrativu no téknika tuir nafatin Komisaun Nasionál Aprovizionamentu (CNA, sigla portugés) inklui espesifikasaun tékniku mina,” informa Ministru Obra Públika, Salvador Eugênio Soares dos Reis Pires, iha Palásiu Governu, kuarta ne’e.

Governante ne’e dehan, EDTL sei loke konkursu hodi empreza estatál no privadu sira konkorre no Timor GAP tenki kompleta rekezitu administrativa no tékniku.

Notísia Relevante: Reuniaun KM: deside Timor GAP fornese kombustível ba EDTL

Tuir Ministru, bainhira dekretu-lei ne’e aprovadu maka sei atribui lote ida hosi tolu ne’ebé iha hodi empreza estatál ne’e partisipa.

“Agora atu fó lote ida ba Timor GAP partisipa fornese mina iha Hera ka Betano, hafoin ita haree. EDTL  avalia maka ami sei deside,” nia akresenta.

Ministru Salvador hateten, desizaun partisipasaun empreza estatál ne’e nu’udar orientasaun Primeiru-Ministru, Taur Matan Ruak.

“Bazeia ba polítika Xefe Governu ne’ebé hanoin katak liuhosi partisipasaun Timor GAP bele asegura enerjétika,” nia subliña.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here