Jogador Boavista selebra sira-nia vitoria hafoin hatama golu ba rede Kablaki FC ho golu 2-0, iha Estádiu Munisipál Dili, kuarta (30/09).Imajen/Midia Kopa FFTL.

DILI, 30 setembru 2020 (TATOLI)-Klube zigante kapitál Dili, Boavista FC Timor, oras ne’e hakat ona ba jogu oitavo finál Kopa Federasaun Futeból Timor-Leste (FFTL), hafoin liki ninia adversáriu Kablaki FC ho golu 2-0, iha Estádiu Munisipál Dili, iha kuarta ne’e.

Ho vitória ne’e lori kedas ekipa ne’e hakat ba oitavu finál hanesan klube runner-up (daruak), iha grupu D, tanba SLB maka hanesan juara pool, enkuantu klube Kablaki, Emanuel no Lica-Lica labele kontinua hakat ba oitavo finál Kopa FFTL époka 2020.

Golu vitória Boavista FC ne’e prodúz husi jogadór Nataniel Reis (8) iha minutu ’45+2, Fransyatma Kefi ’90+1.

Jogu ne’e dirije husi árbitru Eufrasio da Silva, Juiz Liña Romário Teti, Pedro Braga no árbitru rezerva Cárceres dos Reis

Jornalista: Hortencio Sanchez

Editór:Agapito dos Santos

HAKEREK NO HATÁN

Please enter your comment!
Please enter your name here