Kontra atake entre Jogador husi Klube zigante Kapitál Dili Karketu Dili FC konsege halakon Sporting Clubo de Timor (SCT). Imajen/Hortencio Sanchez.

DILI, 29 setembru 2020 (TATOLI)-Ekipa Sporting  Clubo de Timor sei determina ninia distinu iha jogu ikus hasoru klube Aitana iha tempu badak hodi hakat ba oitavo finál Kopa Federasaun Futeból Timor-Leste (FFTL) époka 2020.

Mezmu klube ne’e, daudaun ne’e, iha pontu neen hanesan ho Porto Taibesi FC, maibé atu hakat ba oitavo finál obrigatóriu tenki manán klube Aitana iha jogu sira tuirmai ne’e. Maibé iha jogu ne’e maka Sporting derrota ka impata automatikamente klube ne’e sei la ultrapasa bareira atu kontinua jogu iha oitavo finál no fó oportunidade ba Karketu no Porto Taibessi FC.

Notísia Relevante :Vitoria Sporting fó risku ba Karketu

Entretantu, Karketu  daudaun ne’e maka lidera grupu C ho pontu sia, Sporting iha pontu neen, Porto Taibesi iha pontu neen maibé iha diferensa mak bola, enkuantu Aitana no Academica tuur ho pontu zero.

Tanba ne’e, Treinadór Sporting Clube de Timor,  Moises da Silva, sente kontente tanba bele hetan tan pontu tolu maibé seidauk serteza atu hakat ba oitavo finál tanba sei hela jogu ikus.

“Ami kontente loos ho rezultadu ne’e maibé jogu ikus ho Aitana mak determina ami ba oitavo finál ka lae. Hanesan treinadór sei buka estratejia oinsá para avansa ba oin,” nia dehan durante konferénsia imprensa iha Estádiu Munisipál Dili, tersa ne’e.

Nia dehan ninia klube sei esforsu maka’as liután hodi manán Aitana FC iha jogu tuirmai iha tempu badak.

Notísia Relevante :Derrota ho Sporting, Academica besik foti ain sai husi Kopa FFTL

Jornalista: Hortencio Sanchez

Editór :Agapito dos Santos

HAKEREK NO HATÁN

Please enter your comment!
Please enter your name here